ខេត្តមណ្ឌលគិរី ៖ បុរសវ័យចំណាស់ម្នាក់់ស្រវឹងស្រា ជិះម៉ូតូដួលដោយខ្លួនឯង ស្លាប់បាត់បង់ជីវិត នៅថ្ងៃទី២០ ខែមករា ឆ្នាំ២០១៦ តាមដងផ្លូវស្ថិតក្នុងទឹកដីក្រុមហ៊ុន ប៊ិញហ្វឿក ត្រង់ចំណុចភូមិ ពូគង់ ឃុំស្រែព្រះ ស្រុកកែវសីមា ខេត្តមណ្ឌលគិរី ។
ជនរងគ្រោះមានឈ្មោះ ស្រូន ងឿន ភេទប្រុស អាយុ៥៧ឆ្នាំ ជនជាតិខ្មែរ មានស្រុកកំណើតនៅភូមិសាត្រុន ឃុំតំបែ ស្រុកតំបែ ខេត្តត្បូងឃ្មុំ ។ បច្ចប្បន្នស្នាក់នៅភូមិសាស្ត្រ ឃុំស្រែឈូក ស្រុកកែវសីមា ខេត្តមណ្ឌលគិរី ប្រកបរបរកសិកម្ម ។
តាមប្រភពពីលោក ស៊ុន ប៊ុនធឿន មេបញ្ជាការនគរបាលស្រុកកែវសីមា បានអោយដឹងថាសាក្សីនៅនឹងកន្លែងកើតហេតុ ព្រមទាំងកូនរបស់ជនរងគ្រោះបានបញ្ជាក់ថា គាត់ពិតជាស្លាប់ដោយជិះមូតូដួលខ្លួនឯងពិតប្រាកដមែន ៕
ដោយ ៖ ហេង ចំណាប់
