ព្រៃវែង ៖ កាលពីរសៀលថ្ងៃទី១៨ មករា ២០១៦ វេលា ម៉ោង០២ និង ១៨ នាទី នៅចំណុចច្រកទ្វារអន្តរជាតិបន្ទាយចក្រី ដែលស្ថិតនៅឃុំបន្ទាយចក្រី ស្រុកព្រះស្ដេច ខេត្តព្រៃវែង មានការកកស្ទះផលិតផលស្រូវ ដែលក្រុមឈ្មួញរកស៊ី និងប្រជាពលរដ្ឋនៅជិតច្រក
ព្រំដែននេះ ដែលបានដឹកយកទៅលក់នៅប្រទេសវៀតណាម ។
ក្រុមប្រជាពលរដ្ឋបានរអ៊ូរទាំ និងត្អូញត្អែ ពីបញ្ហាផលស្រូវ ដែលឈ្មួញវៀតណាមឲ្យ តំលៃទាបពេក ដោយក្នុងគីឡូក្រាមបានឲ្យតម្លៃតែ ៤១០០ ដុង ស្មើនឹង ៧០០ រៀល ។
កសិករមួយរូបបានឲ្យដឹងថា តម្លៃស្រូវមួយគីឡូតម្លៃ ៤១០០ ដុង ឬ ៧០០ រៀល បើធៀបទៅនឹងសម្ភារៈកសិកម្ម រហូតដល់ពេលប្រមូលផលស្រូវ គឺវិសតែនឹងខាត ។ គាត់បានឲ្យដឹងទៀតថា ក្នុងមួយហិកតា បើផលិតបាន ៤ តោន ការចំណាយទុន ប្រហែលអស់ពី ២ លានទៅ ២ លាន ៧០ ម៉ឺន ក្នុងមួយហិកតា ។
បងប្អូនប្រជាពលរដ្ឋ ពួកគាត់សុំឲ្យប្រមុខរាជរដ្ឋាភិបាល ក៏ដូចជាក្រសួងពាក់ព័ន្ធមេត្តាធ្វើយ៉ាងណាជួយដោះស្រាយ រកតំលៃស្រូវឲ្យបានសមរម្យជូនពួកពួកគាត់ផង ៕
ដោយ ៖ ថោង មុនី
