បាត់ដំបង ៖ កាលពីថ្ងៃទី 2 ខែមិនាឆ្នាំ 2020 វេលាម៉ោង 15:30 នាទី លោកវរសេនីយ៍ទោឈឿង គឹមសុង ប្រធានការិយាល័យនគរបាលព្រហ្មទណ្ឌកំរិតស្រាល បានដឹកនាំកម្លាំង ក្រុមអន្តរាគមន៍ បង្ការ បង្ក្រាប បានចុះប្រតិបត្តិការបង្ក្រាប ករណីអំពើលួចមានស្ថានទម្ងន់ទោស ( កាច់សោរយកម៉ូតូ ) 1 ករណី និងបាននាំខ្លួនជនសង្ស័យ 1 នាក់ឈ្មោះ ផុន សុភា ហៅ ភា នៅចំណុចក្នុងផ្ទះសំណាក់យីហោ ប៊ែមប៊ូ ស្ថិតក្នុងភូមិចំការឬស្សី សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ។
ជនសង្ស័យឈ្មោះ ផុន សុភា ហៅ ភា ភេទ ប្រុស អាយុ 26 ឆ្នាំ មានទីលំនៅភូមិត្នោតជុំ ឃុំកោះ ស្រុកពញាឮ ខេត្តកណ្ដាល ។
វត្ថុតាង ដែលសមត្ថកិច្ចដកហូត រួមមាន ៖
– កូនសោរម៉ូតូចំនួន 4គ្រាប់
– កូនសោដែក ( រាងអក្សរតេ T ) ចំនួន 01ដើម
-កូនសោដែក ( រាងអក្សរ L ) ចំនួន 1 ដើម
– តួណឺវីសដែក ដងជរ័ ចំនួន 1 ដើម
– ស៊ីមកាតទូរសព្ទចំនួន 1
– ខ្ចៅ មិន ( សម្រាប់ចាប់ស្លាកលេខម៉ូតូ ) ចំនួន 1
– អាវនិងខោដែលពាក់ធ្វើសកម្មភាពចំនួន 01
ការបង្ក្រាបនេះ គឺអនុវត្តតាមការណែនាំបញ្ជាផ្ទាល់ពីឯកឧត្តម ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោក ឧត្តមសេនីយ៍ត្រី ជេត វណ្ណនី ស្នងការរងផែនការងារនគរបាលព្រហ្មទណ្ឌ និង មានការសម្របសម្រួលទៅលើនីតិវិធីពី លោក នួន សានព្រះរាជអាជ្ញាអមសាលាដំបូងខេត្តបាត់ដំបង ។
បច្ចុប្បន្ន ជនសង្ស័យរួមទាំងវត្ថុតាងខាងលើបានប្រគល់អោយការិយាល័យជំនាញដើម្បីចាត់ការបន្តតាមនីតិវិធី ៕
