(ខេត្តកំពត)៖ នៅព្រឹកថ្ងៃព្រហស្បតិ៍ ៥កើត ខែ ផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៧ ខែ កុម្ភៈ ឆ្នាំ២០២០ រដ្ឋបាលខេត្តកំពត បានរៀបចំកិច្ចប្រជុំគណៈនាយកប្រចាំខែកុម្ភៈ ឆ្នាំ២០២០ ដឹកនាំកិច្ចប្រជុំដោយ លោក វ៉ិត វឌ្ឍនា នាយករដ្ឋបាលខេត្ត និងមានការអញ្ជើញចូលរួមពីលោក លោកស្រីនាយករងរដ្ឋបាលខេត្ត នាយក នាយករងទីចាត់ការ ប្រធាន អនុប្រធានអង្គភាពចំណុះសាលាខេត្ត ប្រធាន អនុប្រធានការិយាល័យសរុប និងព័ត៌មាន ការិយាល័យលេខាធិការក្រុមប្រឹក្សា និងតំណាងលោកប្រធានមន្ទីរសុខាភិបាលខេត្ត សរុបចំនួន៣២នាក់។
របៀបវារៈនៃកិច្ចប្រជុំរួមមាន៖
១. ពិនិត្យលើសេចក្តីព្រាងរបៀបវារៈនៃកិច្ចប្រជុំគណៈអភិបាលខេត្តប្រចាំខែ កុម្ភៈ ឆ្នាំ ២០២០
២. ពិនិត្យលើរបាយការណ៍លទ្ធផលប្រចាំខែកុម្ភៈឆ្នាំ២០២០ របស់រដ្ឋបាលខេត្ត
៣. ពិនិត្យលើការបែងចែកប្រាក់រង្វាន់ជូនមន្ត្រីរាជការសាលាខេត្ត ប្រចាំខែកុម្ភៈ ឆ្នាំ២០២០
៤. ការងារចាំបាច់ចំពោះមុខ៖
– ពិធីបើកការដ្ឋានសាងសង់ជាផ្លូវការនូវគម្រោងអភិវឌ្ឍន៍លំនៅដ្ឋាន នៅរមណីយដ្ឋានឧទ្យានជាតិបូកគោ នាថ្ងៃទី ០៧ ខែ មីនា ឆ្នាំ២០២០
– ការងាសន្និបាតបូកសរុបលទ្ធផលការងារឆ្នាំ២០១៩ លើកទិសដៅឆ្នាំ ២០២០ របស់រដ្ឋបាលខេត្តនៅថ្ងៃទី ១៦-១៧ ខែ មីនា ឆ្នាំ២០២០
– ពិនិត្យលើសេចក្តីព្រាងសេចក្តីសម្រេច ស្តីពីការបង្កើតគណៈកម្មការ និងអនុគណៈកម្មការរៀបចំពិធីបុណ្យកំពតសង្គ្រាន្តឆ្នាំ២០២០
៦. សេចក្តីផ្សេងៗ៖
– ផ្សព្វផ្សាយលិខិតលេខ ៤៤៧ សជណ ចុះថ្ងៃទី ១២ ខែ កុម្ភៈ ឆ្នាំ២០២០ របស់ក្រសួងមហាផ្ទៃ ស្តីពីលទ្ធផលនៃការចុះតាមដាន ត្រួតពិនិត្យ និងវាយតម្លៃលើប្រព័ន្ធគ្រប់គ្រងកិច្ចការរដ្ឋបាលខេត្តកំពត ក្នុងការិយបរិច្ឆេទ២០១៨៕ សេង ណារិទ្ធ
