ខេត្តបន្ទាយមានជ័យ ៖ ករណីអគ្គិភ័យឆាបឆេះនៅចំណុចបន្ទប់ជួល២០០បន្ទប់ របស់ជនជាតិថៃ ដែលអាជីវករខ្មែរជួលរស់នៅ ជិតផ្សារស្បែកជើងចាស់ៗ ផ្សាររោងក្លឿ ប្រទេសថៃ ត្រូវបានប្រភពដាក់ការសង្ស័យថា បណ្ដាលមកពីការបោះកន្ទុយបារី ទៅលើគំនូកសំរាម និងស្បែកជើងចាស់ៗ ដែលគេយកទៅបោះចោល សំណាងល្អមិនបណ្ដាលឱ្យ ឆាប់ឆេះដល់កន្លែងរស់នៅ ក៏ដូចជាទ្រព្យសម្បត្តិរបស់អាជីវករខ្មែរ ដោយអាជ្ញាធរខេត្តស្រះកែវ ប្រទេសថៃ នាំយករថយន្តពន្លត់អគ្គីភ័យ ពន្លត់ទាន់ពេលវេលា។
ករណីដែលបង្កការភ្ញាក់ផ្អើលនេះ បានកើតឡើងកាលពីវេលាម៉ោង០៣និង៣០នាទីរសៀល ថ្ងៃទី២២ ខែកុម្ភៈ ឆ្នាំ២០២០។
ក្រោយពីទទួលបានព័ត៌មានខាងលើនេះភ្លាម អាជ្ញាធរមូលដ្ឋានក្រុងប៉ោយប៉ែត បានចុះទៅដល់ទីតាំងកើតហេតុភ្លាម ដើម្បីជួយមើលការខុសត្រូវដល់អាជីវករខ្មែរផងដែរ៕
