រដ្ឋមន្ត្រីក្រសួងព័ត៌មានឯកឧត្តម ខៀវ កាញ្ញារីទ្ធ បានឱ្យដឹងថា សម្ដេចតេជោ ហ៊ុន សែន បានបញ្ជាឱ្យបិទច្រករត់ពន្ធឈើទៅលក់ប្រទេសវៀតណាម ពិសេសសម្ដេចតេជោបានស្រង់សម្ដីអ្នកកាសែតដែលលើកឡើងករណីឧកញ៉ា លឹម វណ្ណា ហៅខ្នា និងស៊ឹម សំអុល ដែលកាងដឹកឈើ ។ សម្ដេចបញ្ជាឱ្យឯកឧត្ដម ប្រាជ្ញ ចន្ទនិងអភិបាលស្រុកមេមត់ ទទួលធ្វើការឱ្យបាន បើមិនចង់អស់បុណ្យស័ក្តិ ។
ឯកឧត្ដម ខៀវ កាញ្ញារីទ្ធ បានសរសេបន្តថា តាមសំណើរបស់សម្ដេចក្រឡាហោម ស ខេង សម្ដេចតេជោ ហ៊ុន សែន បានបង្កើតគណៈកម្មការបង្កាបការត់ពន្ធឈើទៅប្រទេសវៀតណាម ដោយមានឧត្ដមសេនីយ៍ សៅ សុខា ជាប្រធាននិងអគ្គស្នងការងនគរបាលជាតិ ជាអនុប្រធាន រាប់ទាំងគ្រប់អភិបាលខេត្តជាប់ព្រំដែននិងអភិបាលខេត្តកំពង់ចាម ។
សម្ដេចតេជោបានប្រគល់ឧទ្ធម្ភាចក្រ ០២ គ្រឿងសម្រាប់ប្រតិបត្តិការបង្ក្រាប ៕
