ខេត្តបាត់ដំបង ៖ មន្ត្រីនគរបាលខេត្តបាត់ដំបងចំនួន៥២៩នាក់ក្នុងនោះមាន ស្រី ៣៤ នាក់ត្រូវបាន ប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ដោយ ឯកឧត្តម នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ និងជាមេបញ្ជាការ កងកម្លាំងនគរបាលជាតិ ប្រចាំទិសភូមិភាគទី៤ ភូមិភាគទី៥ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ និងឯកឧត្តម ច័ន្ទសុផល អភិបាល នៃគណៈអភិបាលខេត្តបាត់ដំបង នៅរសៀលថ្ងៃទី ១៣ ខែ មករា ឆ្នាំ ២០១៦ នៅមហោស្រពស្ទឹងសង្កែ។ ។ វត្តមានអញ្ជើញជាមេបញ្ជាការកម្លាំងប្រដាប់អាវុធស្នងការស្នងការរងប្រធានមន្ទីរជុំវិញខេត្តនិងអ្នកមុខអ្នការជាច្រើននាក់ទៀត។
មន្ត្រីនគរបាលដែលត្រូវបំពាក់ ៖ ថ្នាក់ឧត្តម សេនីយ៍ត្រីចំនួន ០៦ នាក់ ថ្នាក់វរសេនីយ៍ឯកចំនួន ០២ នាក់ ថ្នាក់វរសេនីយ៍ទោចំនួន ០៤ នាក់ ថ្នាក់វរសេនីយ៍ត្រីចំនួន ១៤ នាក់ ថ្នាក់អនុសេនីយ៍ឯកចំនួន ២១ នាក់ ថ្នាក់អនុសេនីយ៍ទោចំនួន ១២៧ នាក់ ថ្នាក់អនុសេនីយ៍ត្រីចំនួន ៨៧ នាក់ ថ្នាក់ព្រិន្ទបាលឯកចំនួន ៨៦ នាក់ ថ្នាក់ព្រិន្ទបាលទោចំនួន ១២ នាក់ ថ្នាក់ពលបាលឯកចំនួន ០២ នាក និងថ្នាក់ពលបាលទោចំនួន ០១ នាក់ ។
ឯកឧត្តម នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ និងជាមេបញ្ជាការ កងកម្លាំងនគរបាលជាតិប្រចាំទិសភូមិភាគទី៤ ភូមិភាគទី៥ បានផ្តាំផ្ញើរដល់កម្លាំនគរបាលចាស់ថ្មីទាំងអស់ឲ្យយកចិត្តទុកដាក់បម្រើប្រជាពលរដ្ឋការពាភូមិឃុំសុវត្ថភាពនិងជាតិមាតុភូមិឲ្យបានគង់វង្ស ៕
