បន្ទាយមានជ័យ ៖ កាលពីព្រឹកថ្ងៃទី១២ ខែមករា ឆ្នាំ២០១៦ ប្រជាពលរដ្ឋជាច្រើនគ្រួសារ រស់នៅក្នុងភូមិសុខសានស្ថិត ក្នុងសង្កាត់និមិតក្រុងប៉ោយប៉ែត ខេត្តបន្ទាយមានជ័យ បានសម្តែងនូវក្តីខឹងសម្បាជាក្រុមហ៊ុនអានកូវ៉ូធឺសាប្លាយ របស់លោកឧកញ៉ា កុកអា ន ដែលបានវិនយោគទឹកស្អាតនៅក្នុងភូមិសាស្ត្រខាងលើ ។
ពលរដ្ឋថា ៖ ក្រុមហ៊ុនទឹកស្អាតកន្លងទៅ បានបង្កផលប៉ះពាល់ដល់ផលដំណាំស្រែវស្សា របស់អ្នកភូមិអស់ជាច្រើនរយហិកតា មិនតែប៉ុណ្ណោះ ក្រុមហ៊ុនបានបំផ្លាញហេដ្ឋា រចនាសម្ពន្ធ័ផ្លូវចូលភូមិរបស់គាត់ជាច្រើនខ្សែ ដែលជាហេតុធើ្វឲ្យអ្នកភូមិបានក្នុងការដឹកជញ្ជូនផលដំណាំនិងចរាចរណ៏ទៀតផង ។ លើសពីនេះ\ទៅទៀត កងទាហានដែលចំណុះឲ្យតំបន់ប្រតិបត្រការសឹកក្រុងប៉ោយប៉ែតប្រចាំនៅអូរខៃដន ក៏បានលើកឡើងដែរថា៖ ការអភិវឌ្ឍន៏របស់ក្រុមហ៊ុនអានកូពិត ជាមិនបានផ្តល់ផលចំណេញអ្វីឲ្យអ្នកភូមិនោះទេ ពោលគឺក្រុមហ៊ុនបានបង្កឲ្យផ្លូវជាច្រើនខ្សែត្រូវ រងការខូចខាត ហើយមិនជួសជុលឲ្យអ្នកភូមិវិញឡើយ ។
ឆ្លើយតបនឹងបញ្ហានេះលោក បាល់ សេដ្ឋា ចៅសង្កាត់និមិតបានឲ្យដឹងមកថា៖ បញ្ហាផលប៉ះពាល់ដោយសារការអភិវឌ្ឍន៏ក្រុមហ៊ុនផលិតទឹកស្អាតអានកូនោះគឺពិតជាកើតមាន ហើយកន្លងមកលោកក៏បានធើ្វរបាយការណ៏ដាក់ជូនចៅហ្វាយក្រុងហើយដែរតែគ្មានលទ្ធផលសោះ ។
បែបណាក៏ដោយចុះ នៅព្រឹកមិញនេះ សារព័ត៌មានយើងបានព្យាយាមសាកសួរទៅតំណាងក្រុមហ៊ុនដែរ តែមិនអាចទាក់ទងបានឡើយ ។
ចំណែកលោក ង៉ោ មេងជ្រូន អភិបាលក្រុងប៉ោយបែតដែលគេមើលឃើញថា ៖ មន្ត្រីរូបនេះ មានការស្និទ្ធស្នាលជាមួយក្រុមគ្រួសាររបស់លោកឧកញ៉ាដង្ខៅ កាស៊ីណូ នាព្រឹកថ្ងៃទី១២មករានេះមិនអាចសុំឲ្យលោកបកស្រាយបានទេ ព្រោះទូរសព្ទ័របស់មិនអាចទាក់ទងបាន ។ បើទោះជាបែបនេះក្តី គេសង្ឃឹមថា លោកអភិបាលក្រុងប៉ោយប៉ែតនឹងអញ្ជើញទៅពិនិត្យដល់មូលដ្ឋានជាក់ស្តែងដើម្បីឲ្យបានដឹងពីទុក្ខកង្វល់របស់អ្នកភូមិនោះជាមិនខាន ៕
