ប៉ៃលិន៖ ឯកឧត្តម ផាន់ ចាន់ធុល អភិបាលខេត្តប៉ៃលិននិងជាប្រធានអនុគណៈកម្មការសុវត្ថិភាពចរាចរណ៍ផ្លូវគោកខេត្ត បានអំពាវនាវបែបនេះ នាព្រឹកថ្ងៃទី២៥ខែមករាឆ្នាំ២០២០នៅក្បែរវិមានឯករាជ្យខេត្តក្នុងយុទ្ធនាការរឹតបន្តឹងការពាក់មួកសុវត្ថិភាពក្នុងឱកាសបុណ្យចូលឆ្នាំចិនវៀតណាមដើម្បីពញ្ញាក់ស្មារតីដល់អ្នកប្រើប្រាស់ផ្លូវ ឱ្យមានការប្រុងប្រយ័ត្ន និងគោរពច្បាប់ ដោយក្នុងយុទ្ធនាការនេះ ក៍មានការរៀបចំជាកម្មវិធីសួរឆ្លើយសំណួរ ស្តីពីច្បាប់សុវត្ថិភាពចរាចរណ៍ផ្លូវគោក និងចែកជូននូវមួកសុវត្ថិភាព ឯកសារពាក់ព័ន្ធនិងច្បាប់ស្តីពីសុវត្ថិភាពចរាចរណ៍ផ្លូវគោកផងដែរ។
ឯកឧត្តម ផាន់ ចាន់ធុល អភិបាលខេត្ត បានមានប្រសាសន៍លើកឡើងថា៖ គ្រោះថ្នាក់ចរាចរណ៍ជាឃាតកលាក់មុខដែលបានឱ្យប្រជាពលរដ្ឋធ្វើដំណើរតាមដងផ្លូវ ស្លាប់ និងរងរបួសជារៀងរាល់ថ្ងៃ ដោយសារ ការធ្វេសប្រហែស និងមិនគោរពច្បាប់ ហើយមហន្តរាយដ៏ធំធេងនេះ ធ្វើឱ្យប៉ះពាល់ដល់សុខដុមរមនា ជីវភាពរស់នៅរបស់ពលរដ្ឋ និងសេដ្ឋកិច្ចសង្គមជាតិទាំងមូល ដែលមានតម្លៃមិនអាចកាត់ថ្លៃបាន។ ឯកឧត្តមអភិបាលខេត្ត បានមានប្រសាសន៍បញ្ជាក់ថា៖ គ្រោះថ្នាក់ចរាចរណ៍ផ្តើមចេញកត្តា៣គឺមនុស្ស សម្ភារៈ និងផ្លូវដូច្នេះកត្តាទាំង៣នេះ សូមឲ្យយើងទាំងអស់គ្នាមានការប្រុងប្រយ័ត្ន ជាពិសេសបងប្អូនអ្នករត់តាក់ស៊ី និងម៉ូតូឌុបត្រូវតែបង្កើនការប្រុងប្រយ័ត្ននៅពេលធ្វើដំណើរនិងពេលបើកបរព្រោះថាយ៉ាងហោចណាស់មានអ្នកជិះ៣ទៅ៥នាក់ដែលបានផ្ញើរជីវិត ទៅលើអ្នកបើកបរ។
ឯកឧត្តម ផាន់ ចាន់ធុល បានមានប្រសាសន៍បន្ត ថា៖ សកម្មភាព ចុះ ចែក មួក ដល់ អ្នកបញ្ជា ទោចក្រយានយន្ត នា ពេល នេះ គឺជា ការ ដាស់ ស្មារតី ដល់ អ្នកបើកបរ ទាំងឡាយ ឲ្យ មានការ ប្រុង ប្រយ័ត្ន លើ បញ្ហា សុវត្ថិភាព ក្នុង ពេល បើកបរ ព្រោះ នៅ ពេល មានការ ប៉ះទង្គិច ដោយ ប្រការ ណាមួយ មួក សុវត្ថិភាព អាច ការពារ ក្បាល របស់ អ្នក ពី គ្រោះថ្នាក់ ទាំងនោះ បាន យ៉ាង មាន ប្រ សិ ទ្ឋ ភាព ។
លោក អ៊ាត សារ៉ាត់ ប្រធាន មន្ទីរ សាធារណៈការ នឹង ដឹក ជញ្ជូន ខេត្តប៉ៃលិន បាន ឲ្យ ដឹង ថា៖ យុ ទ្ឋ នា ការ នេះ ក្រៅពី ចែក មួក ជូន ដល់ ប្រជាពលរដ្ឋ នឹងអ្នកដំណើរនាឱកាសនេះ មន្ត្រី ជំនាញ និងសមត្ថកិច្ច ផ្នែក ចរាចរណ៍ ក៍បាន អប់រំ ផ្សព្វផ្សាយ ដល់ អ្នក ធ្វើ ចរាចរណ៍ តាម ដងផ្លូវ ទាំងឡាយ ត្រូវ ប្រកាន់ ភ្ជាប់ នូវ ស្មារតី ប្រុង ប្រយ័ត្ន យោគយល់ អធ្យាស្រ័យ និង គោរព ច្បាប់ ចរាចរណ៍ ឲ្យ បាន ខ្ជាប់ខ្ជួន មិន ត្រូវ បើកបរ លើស ល្បឿន កំណត់ ។
បើតាមរបាយការណ៍របស់លោកវរសេនីយ៍ទោ ជា សីហា ប្រធានការិយាល័យចរាចរណ៍ផ្លូវគោកខេត្តបានឱ្យដឹងថា៖បើប្រៀបធៀបនឹងឆ្នាំ២០១៨នៅឆ្នាំ២០១៩គឺករណីគ្រោះថ្នាក់ចរាចរណ៍មានការថយចុះ ចំនួន ១២ករណី ដោយឆ្នាំ២០១៨ មាន៥០ករណី និងឆ្នាំ២០១៩ មាន៣៨ករណី ចំណែកចំនួនអ្នកស្លាប់មានការ កើន ឡើង ចំនួន ៥នាក់ ដោយឆ្នាំ២០១៨ ស្លាប់ ចំនួន ១៣នាក់ និងឆ្នាំ២០១៩ ស្លាប់ ចំនួន ១៨នាក់, អ្នករបួសធ្ងន់ មានការថយចុះ ចំនួន ១១នាក់ ដោយឆ្នាំ២០១៨ របួស ចំនួន ៤៩នាក់ និងឆ្នាំ២០១៩ របួស ចំនួន ៤៩នាក់, និងរបួសស្រាល មានការថយចុះ ចំនួន ៧នាក់ ដោយឆ្នាំ២០១៨ របួស ចំនួន ៣៨នាក់ និងឆ្នាំ២០១៩ របួស ចំនួន ៣១នាក់ ៕
