ខេត្តបាត់ដំបង ៖ នាព្រឹកថ្ងៃពុធ ១៣ រោច ខែបុស្ស ឆ្នាំកុរ ឯកស័ក ព.ស២៥៦៣ ត្រូវថ្ងៃទី22 ខែមករា ឆ្នា2020 នៅភូមិកំពង់អំពិល ឃុំអូរដំបង១ ស្រុកសង្កែ ខេត្តបាត់ដំបង មានប្រារព្ធពិធីតភ្ជាប់ស្ពានស្ទឹងសង្កែ គម្រោងធ្វើឲ្យប្រសើឡើងវិញ កំណាត់ផ្លូវជាតិលេខ៥ ភាគខាងជើង ( បាត់ដំបង-សិរីសោភ័ណ ) កញ្ចប់ទី១ ក្រសួងសាធារណ:ការនិង ដឹកជញ្ជូន ទីភ្នាក់ងារសហប្រតិបត្តិការអន្តរជាតិជប៉ុន ក្រោមអធិបតីភាព ឯកឧត្តម សឿម ប៊ុនរិទ្ធ អភិបាលរង នៃគណ:អភិបាលខេត្តបាត់ដំបង លោក ឈីម ផល្លា នាយកដ្ឋានផ្លូវថ្នល់ និងជាប្រធាន ប្រតិបត្តិការគម្រោងផ្លូវជាតិលេខ៥ និង លោក អាគិរ៉ា ម៉ូតុយ៉ាម៉ា ប្រធានគ្រប់គ្រងគម្រោងសាងសង់នៃក្រុមហ៊ុនម៉ៅការ ព្រមទាំងមានការចូលរួមពី មន្ត្រីរាជការ អភិបាលស្រុក សង្កែ សមាជិក សមាជិការ ស្ថាបន្ននានា និង ប្រជាពលរដ្ឋក៏ បានអញ្ជើញមកយ៉ាងច្រើនកុះករ ។
ក្នុងឱកាសនេះ ឯកឧត្តម សឿម ប៊ុនរិទ្ធ មានប្រសាសន៍លើកឡើងអំពីការអភិវឌ្ឍរបស់ប្រទេសជាតិ
យើងនាពេលបច្ចុប្បន្ននេះលើគ្រប់វិស័យ ជាពិសេស ហេដ្ឋារចនាសម្ព័ន្ធផ្លូវថ្នល់ ដែលជាដង្ហើមរស់សំរាប់ប្រជាពលរដ្ឋ និងសេដ្ឋកិច្ចជាតិ ក្នុងការធ្វើដំណើរ ការដឹកជញ្ជូញទំនិញ
ទៅមកទាំងក្នុង និងក្រៅប្រទេស ៕
