ខេត្តកំពង់ចាម ៖ អ្នកដំណើរចំនួន១៣នាក់រងរបួសធ្ងន់និងស្រាលត្រូវបញ្ជូនទៅសង្គ្រោះនៅមន្ទីរពេទ្យក្នុងឧប្បតិហេតុគ្រោះថ្នាក់ចរាចរបង្ករដោយរថយន្តសាំយ៉ុង២គ្រឿងព្រលះគ្នាក្នុងពេលបើកឆ្លងផ្លូវ។
ប៉ូលិសបានអោយដឹងថានៅថ្ងៃទី១៩ខែមករាឆ្នាំ២០២០វេលាម៉ោង ១៧លើផ្លូវជាតិលេខ ៦ចំណុចផ្លូវបំបែកខាងកើតភូមិផ្អាវឃុំផ្អាវស្រុកបាធាយខេត្តកំពង់ចាម មានករណីគ្រោះថ្នាក់ចរាចរណ៍កើតឡើងរវាងរថយន្តនិងរថយន្តដោយរថយន្ត១គ្រឿងម៉ាកសាំយ៉ុងពណ៌សពាក់ស្លាកលេខភ្នំពេញ 2z 1200 បើកបរដោយឈ្មោះនូ ម៉ឺយ ភេទប្រុសអាយុ ៧១ឆ្នាំមានទីលំនៅភូមិព្រែកតាគង់សង្កាត់ព្រែកតាសេកខណ្ឌជ្រោយចង្វាររាជធានីភ្នំពេញបានបុករថយន្ត១គ្រឿងទៀតម៉ាក់សាំយ៉ុងពណ៌សពាក់ស្លាកលេខភ្នំពេញ 2J0 580 (អ្នកបើកបររត់បាត់) បានបើកឆ្លងថ្នល់ពីលិចទៅកើត។
លោកអធិការបានបន្តថាករណីនេះបណ្ដាលឲ្យរបួសមនុស្សចំនួន១៣នាក់ធ្ងន់ ៥នាក់ ស្រាល៨នាក់ (ស្រី៩នាក់ ប្រុស ៤នាក់)គឺ១.ឈ្មោះ នូ ម៉ឺយភេទប្រុសអាយុ៧១នៅភូមិព្រែកតាគង់សង្កាត់ព្រែកតាសេក ខណ្ឌ័ជ្រោយចង្វារ ភ្នំពេញជាអ្នកបើករថយន្ត របួស ធ្ងន់២ឈ្មោះយស់ គឹមសៀង ភេទស្រីអាយុ៦៥ឆ្នាំ នៅភូមិព្រែកតាគង់ សង្កាត់ព្រែកតាសេក ខណ្ឌ័ជ្រោយចង្វាភ្នំពេញ( ស្រាល)៣ ឈ្មោះសន មករា ភេទស្រីអាយុ៣០ឆ្នាំ នៅភូមិជាមួយគ្នា ធ្ងន់៤ឈ្មោះម៉ែន គឹមចេងភេទ ស្រីអាយុ៦៥ឆ្នាំនៅភូមិជាមួយគ្នា(ស្រាល)៥ឈ្មោះស្លា ថូ ភេទស្រីអាយុ៦៨ឆ្នាំនៅភូមិជាមួយគ្នា ធ្ងន់៦ឈ្មោះយក់ សាខន ភេទស្រីអាយុ៧៨ឆ្នាំនៅភូមិជាមួយគ្នា ធ្ងន់៧ឈ្មោះសឿង ញិប ភេទស្រីអាយុ68ឆ្នាំ នៅភូមិជាមួយគ្នាធ្ងន់ ៨ ស៊ិន ផៃ ភេទប្រុសអាយុ៧១ឆ្នាំ នៅភូមិជាមួយគ្នា(ស្រាល)៩ឈ្មោះសៅ ថុន ភេទប្រុសអាយុ៧០ឆ្នាំ នៅភូមិជាមួយគ្នា(ស្រាល)១០.ឈ្មោះស៊ិប វណ្ណនីភេទ ស្រីអាយុ៦៧ឆ្នាំ (ស្រាល)១១.តាំង អេងជី ភេទស្រីអាយុ១៨ឆ្នាំនៅភូមិស្រីរងិត ឃុំចំការក្រោមស្រុកស្ទោង ខេត្តកំពង់ធំ( ស្រាល)១២.តាំង ហិបភេទ ស្រីអាយុ៣៩នៅភូមិ ជាមួយគ្នា( ស្រាល)១៣ឈ្មោះញ៉េត វុនភេទ ប្រុសអាយុ៤១ឆ្នាំ នៅភូមិជាមួយគ្នា (ស្រាល)។
ប៉ូលិលបានបញ្ជាក់ថា ជនរងគ្រោះដោយគ្រោះថ្នាក់ចរាចរនេះត្រូវបានបញ្ជូនទៅសង្គ្រោះនៅមន្ទីរពេទ្យ រីឯរថយន្តទាំង២គ្រឿងត្រូវបានយក មករក្សាទុកនៅអធិការដ្ឋាននគរបាលស្រុកបាធាយដម្បីបំពេញសំណុំឯកសារតាមនីតិវិធី ៕
