ខេត្តកំពង់ចាម ៖ អតីតទណ្ឌិតម្នាក់ ក្រោយពីចេញពន្ធនាគារវិញហើយនៅតែមិនរាងចាលទើបបែកគំនិតយកទំលាប់ចាស់ក៏ប្រថុយដាក់បង្អោងតោងឡើងតាមបង្អួចគំនិតប៉ងលួចទ្រព្យសម្បត្តិអ្នកដទៃ តែត្រូវម្ចាស់ផ្ទះដឹងខ្លួនទាន់ក្របួចជាប់ចាប់ខ្លួនប្រគល់ជូនសមត្ថកិច្ច ។
លោកវរសេនីយ័័ឯក ប្រាក់ សុគុណ អធិការនគរបាលស្រុកជើងព្រៃបានអោយដឹងថានៅថ្ងៃទី២១ខែមករាឆ្នាំ២០២០រំលងអាធ្រាត្រវេលាម៉ោង ០និង៥០នាទីមានករណី ប៉ុនប៉ងលួចទ្រព្យសម្បត្តិអ្នកដទៃ មួយកើតឡើងចំនុចផ្ទះយ៉េ តក់ភេទប្រុសអាយុ២៧ឆ្នាំភូមិព្រីងជ្រុំឃុំព្រីងជ្រុំស្រុកជើងព្រៃ ខេត្តកំពង់ចាម។
លោកអធិការបានបន្តថា ជនសង្ស័យឈ្មោះ ធី ធាភេទប្រុសអាយុ២៨ ឆ្នាំនៅភូមិត្រពាំងផ្អាវ ឃុំព្រីងជ្រុំ ស្រុកជើងព្រៃ ខេត្តកំពង់ចាមជាមុខសញ្ញា ដោះលែងពីពន្ធនាគារ បានយកបង្អោងឫស្សីប្រវែង៣.៥០មដាក់គងលើជញ្ជាំងផ្ទះក្រោមបង្អូចដែលបើកចំហរ រួចឡើងចូលទៅលើផ្ទះតាមបង្អូច ហើយភ្លាមនោះម្ចាស់ដឹងទាន់ចាប់បានតែម្តង។
លោកអធិការបញ្ជាក់ថាគាត់ មិនបាត់បង់សម្ភារៈអ្វីទេ ហើយគោលបំណងរបស់ជនសង្សយ័គឺចូលលួចយកទូរស័ព្ទដៃ តែត្រូវម្ចាស់ឃើញទាន់ចាប់ខ្លួនបាន ករណីនេះលោកកំពុងកសាងសំណុំរឿងតាមនិតិវិធី ៕
