(ភ្នំពេញ)៖ មិនទាន់ចប់ទេ!តំណាងប្រជាពលរដ្ឋបានប្តឹង អភិបាលខេត្តបន្ទាយមានជ័យ មេបញ្ជាការកងរាជអាវុធហត្ថខេត្តបន្ទាយមានជ័យ អនុប្រធានសភាពាណិជ្ជកម្ម ប្រធានរដ្ឋបាលព្រៃឈើខេត្តបន្ទាយមានជ័យ ។ ពាក់ព័ន្ធករណីចាប់ប្រជាពលរដ្ឋតវ៉ារឿងដីធ្លីយកទៅធ្វើទារុណកម្មរហូតដល់ស្លាប់ និងរបួស ។
នេះបើយោងតាមពាក្យបណ្តឹងរបស់តំណាងប្រជាពលរដ្ឋ ១៥០គ្រួសារ នៅភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយមានជ័យ ។
ប្តឹងមន្ត្រីទាំងនេះទៅព្រះរាជអាជ្ញាអមសាលាដំបូងខេត្តបន្ទាយមានជ័យ ។
នៅក្នុងពាក្យបណ្តឹងបានប្តឹងលោក អ៊ុ រាត្រី អភិបាលខេត្តបន្ទាយមានជ័យ លោក ជំទាវ ចក់ ពូក អនុប្រធានសភាពាណិជ្ជកម្មបន្ទាយមានជ័យ ។
លោក យឿង គង់ អនុប្រធានសភាពាណិជ្ជកម្មបន្ទាយមានជ័យ ។
លោក ជា ផល្លី ប្រធានរដ្ឋបាល ព្រៃឈើខេត្តបន្ទាយមានជ័យ លោក ព្រីម សាលី ប្រធានពន្ធដារខេត្តបន្ទាយមានជ័យ ។ នឹងលោក បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ពីបទ៖ផ្សំគំនិតនឹងធ្វើមនុស្សឃាត និងប្រើអំពើហិង្សា ។
តំណាងប្រជាពលរដ្ឋបានជម្រាបជូនលោកព្រះរាជអាជ្ញា នៃអយ្យការ អមសាលាដំបូងខេត្តបន្ទាយមានជ័យថា៖កាលពីថ្ងៃទី២៦-២៧ ខែធ្នូ ឆ្នាំ២០១៩ លោក អ៊ុ រាត្រី អភិបាលខេត្ត បានដឹកនាំកម្លាំងប្រដាប់អាវុធ ជាច្រើននាក់ទៅឈូសឆាយ ដករោង ផ្ទះ លំនៅឋាន របស់ពួកយើងខ្ញុំ ខ្ទេចខ្ទីអស់រលីងគ្មានសល់ ។
លុះដល់ថ្ងៃទី២៨-២៩ ខែធ្នូឆ្នាំ២០១៩ ពួកគាត់បានមកតវ៉ានៅមុខសាលាខេត្ត ដើម្បីអោយចៅហ្វាយខេត្ត ដោះស្រាយ ស្រាប់តែចៅហ្វាយខេត្ត ឃុបឃិតគ្នាជាប្រព័ន្ធ ។
យកប៉េអឹមមកចាប់ពួកយើងខ្ញុំ៥នាក់ ចោទថា ជាមេខ្លោងនាំគ្នាទៅចាប់ដីស្ថានីយ៍ព្រៃឈើតាបែនII ។
នៅឃុំស្លក្រាម ឃុំសឹង ស្រុកអូរជ្រៅ ស្រុកស្វាយចេក ខេត្តបន្ទាយមានជ័យ ហើយប្រើអំពើ ហិង្សាវាយធ្វើទារុណកម្មយ៉ាងធ្ងន់ធ្ងរ រហូតដល់ស្លាប់ ម្នាក់ ឈ្មោះ ទុយ ស្រស់ ។
ដល់ថ្ងៃទី៣១ ខែដដែល បានយកពួកយើងទៅដាក់ក្នុងពន្ធនាគារខេត្ត ដល់ថ្ងៃទី០១ ខែមករា ឆ្នាំ២០២០ ។
បានយកទៅមន្ទីរពេទ្យមង្គលបូរី ដល់ថ្ងៃទី៣ ខែមករា ឆ្នាំ២០២០ ។
យកពួកខ្ញុំទៅក្រៅឃុំ ពួកយើងខ្ញុំមានជំងឺពីការវាយដំយ៉ាងធ្ងន់ធ្ងរ ខ្លះរបាក់ធ្មេញ ខួរគ្រាំ ថ្លើម សួត នឹង(ទារសងការខូចខាត និងជំងឺចិត្តចំនួន ២០០.០០០$ (ម្ភៃម៉ឺនដុល្លារ)។
(ដោយ គេហទំព័រ កម្ពុជាអភិវឌ្ឍន៍)
www.Kap-news.com
077797952/0887797952
WhatsApp=012580455
