ខេត្តមណ្ឌលគិរី ៖ សាខាកាកបាទក្រហមកម្ពុជាខេត្តមណ្ឌលគិរី ដឹកនាំដោយ ឯ.ឧ ស្វាយ សំអ៊ាង ប្រធានគណៈកម្មា ធិការសាខាកាកបាទក្រហមកម្ពុជាខេត្ត និងលោកឧ.ត្រី ទូច យ៉ុន ជាសមាជិកគណៈកម្មាធិកាសាខាកាក បាទក្រហមខេត្ត ព្រមទាំងសមាជិកសមាជិការ សាខា កាកបាទក្រហម បានចុះជួបសំ ណេះសំណាល សួរសុខទុក្ខ និងនាំយកអំណោយ មួយចំនួនដើម្បីមកចែកជូនដល់កងកម្លាំងនៅវរសេនាតូចនគរបាល ការពារព្រំដែនគោក លេខ៦២១ និង៣០៣ ពិធីនេះបានប្រព្រឹត្តទៅនៅទីបញ្ជាការវរសេនាតូចនគរបាល ការ ពារព្រំដែនគោកលេខ ៦២១ ស្ថិតនៅឃុំដាក់ដាំ ស្រុកអូររាំង កាលពីព្រឹកថ្ងៃទី០៦ ខែមករា ឆ្នាំ២០១៦។
ក្នុងពិធីសំណេះសំណាលនោះ លោក ឧ.ត្រី ទូច យ៉ុន ជាសមាជិកគណៈកម្មាធិការសាខាកាក បាទក្រហមកម្ពុជាខេត្ត និងឯកឧត្តម ស្វាយ សំអ៊ាង ប្រធានគណៈកម្មាធិការសាខាកាកបាទក្រហម កម្ពុជាខេត្តបានមានប្រសាន៍ថា នេះជាលើកទី០១ សម្រាប់សាខាកាកបាទក្រហមកម្ពុជាខេត្ត បាននាំ យកអំណោយមានគ្រឿងឧបភោគ-បរិភោគមួយចំនួនរបស់កាកបាទក្រហមកម្ពុជា ដើម្បីចែកជូនដល់វរ សេនាតូចនគរបាលការពារ ព្រំដែនគោកលេខ៦២១ និង៣០៣នេះ។
ឯកឧត្តមបានបញ្ជាក់ថា កន្លងមក ឃើញថាកងកម្លាំងទាំងពីរវរការពារព្រំដែននេះ បានខិតខំ បំពេញ ភារកិច្ចបានល្អប្រសើរ ទទឹមនឹងនេះ ឯកឧត្តមបានផ្តាំផ្ញើ ដល់កងកម្លាំង ទាំងអស់ត្រូវខិតខំមើលច្បាប់ និងសេចក្តីណែនាំនានា ដើម្បីតួនាទីភារ កិច្ចរបស់កងទ័ព ក្នុងការថែរក្សាការពារព្រំដែនឲ្យបានល្អ ត្រូវមានសាមគ្គីភាពផ្ទៃក្នុង និងសហការ កំលាំងទាំងអស់តាមបន្ទាត់ព្រំដែន ហើយបើមាន សភាពការណ៍អ្វីមិនស្រួល ត្រូវរាយការណ៍ជាបន្ទាន់ជូន ថ្នាក់លើ ជាពិសេសបទល្មើសព្រៃឈើ និងឆ្លងដែនដោយខុសច្បាប់ពីសំណាក់ប្រជាពលរដ្ឋនៃប្រទេស ជិតខាង។
ឆ្លៀតក្នុងឱកាសនោះផងដែរ ឯកឧត្តមបានធ្វើការផ្សព្វផ្សាយពីច្បាប់ចរាចរណ៍ថ្មី ដែលរដ្ឋាភិបាល បានអនុម័ត ដើម្បីអោយប្រជាពលរដ្ឋយល់ដឹងពីសុវត្ថិភាពពេលធ្វើដំណើរ ជាពិសេស អ្នកបើកបរត្រូវពាក់ មួកសុវត្ថិភាព ប័ណ្ឌបើកបរ និងចេះគោរពច្បាប់ទាំងអស់គ្នា ជាពិសេស មន្ត្រីនគរបាលដែលអនុវត្តច្បាប់ ត្រូវធ្វើជាគំរូសម្រាប់អនុវត្តច្បាប់ ដើម្បីអោយប្រជាពលរដ្ឋមានទំនុកចិត្តអំពីការអនុវត្តច្បាប់ចរាចរណ៍ និងមានទំនុកចិត្តអំពីការកែទម្រង់ច្បាប់ចរារណ៍ថ្មី របស់រាជរដ្ឋាភិបាលដែលបានអោយអនុវត្តន៍ចាប់ពីថ្ងៃ ទី០១ ខែមករា ឆ្នាំ២០១៦កន្លងមកថ្មីៗនេះ។
ក្នុងពិធីសំណេះសំណាលនោះ សាខាកាកបាទក្រហមកម្ពុជាខេត្ត បាននាំយកអំណោយមួយចំនួន ចែកជូនដល់កងកម្លាំងវរការពារព្រំដែនទាំងពីរ ក្នុងនោះមាន៖ មី ៣០កេះ និងថ្នាំពេទ្យចំនួន៥កេះ ដោយ ឡែកអំណោយរបស់ស្នងការនគរបាលខេត្ត អង្ករចំនួន២តោន ប៊ីចេង០៤កេះ ត្រីងៀត ៦០គីឡូក្រាម និងត្រីខកំប៉ុងចំនួន ១០កេសផងដែរ៕
ដោយ ៖ គឹម ចំរើន
