ខេត្តកំពង់ចាម ៖ កំលាំងប៉ូលិសស្រុកព្រៃឈរខេត្តកំពង់ចាមបានឃាត់ខ្លួន ជនសង្សយ័ម្នាក់ដែលបានលួចម៉ូតូពីខេត្តព្រៃវែងជិះមកខេត្តកំពង់ចាមនៅពេលល្បាតតាមដងផ្លូវនិងយកមកទុកនៅអធិការដ្ឋានរងចាំម្ចាស់មកដាក់ពាក្យបណ្តឹង។
ប៉ូលិសបានអោយដឹងថា នៅថ្ងៃទី៣១ ខែធ្នូ ឆ្នាំ២០១៩ វេលាម៉ោង១៤ និង៣០នាទី កំលាំង ប៉ុស្តិ៍រដ្ធបាល ល្វាបានចេញល្បាតត្រួតពិនិត្យនៅ ត្រង់ចំណុចលើផ្លូវលំភូមិល្វា ឃុំល្វា ស្រុកព្រៃឈរ ខេត្តកំពង់ចាម ហើយបានប្រទះឃើញមនុស្សប្រុសម្នាក់ជិះម៉ូតូម៉ាកឌ្រីមសេ១២៥ស៊េរី២០១៦ ឡើងតែម ២០១៩ពាក់ផ្លាកលេខភ្នំពេញ១GH ៣៨២៩ឆ្លងកាត់កន្លែងសមត្ថកិច្ច ត្រួតពិនិត្យ ហើយក៏ហៅសួរនាំ។
នៅពេលនោះ អ្នកបើកបរម៉ូតូបានប្រាប់ថា ខ្លួនឈ្មោះ យ៉ាន់ រ៉ាវន័ ភេទប្រុស អាយុ១៨ឆ្នាំ ស្រុកកំណើត ភូមិជ្រួលឃុំ កន្សោមអក ស្រុកកំពុងត្របែកខេត្តព្រៃវែង សព្វថ្ងៃស្នាក់នៅផ្ទះជួលស្ទឹងមានជ័យរាជធានីភ្នំពេញ។
ប៉ូលិសបានបន្តថា នៅពេលសមត្ថកិច្ចសាកសួរនិងដោយគ្មានឯក សារសំគាល់ម៉ូតូ ជនសង្សយ័បានឆ្លើយសារភាពថា ៖ នៅថ្ងៃទី២៨ខែធ្នូឆ្នាំ២០១៩វេលាម៉ោង១៩ ខ្លួនបានយកកូនសោចំនួនមួយមក កាច់សោ ក ម៉ូតូម៉ាកឌ្រីមសេ១២៥ ពាក់ផ្លាកលេខភ្នំពេញ ១GH៣៨២៩លេខតួនិងលេខម៉ាស៊ីន៩៧៤១៤៩៥ ជារបស់ឈ្មោះ វយ័ ភេទប្រុសអាយុ៣០ឆ្នាំ នៅភូមិជ្រួល ឃុំកន្សោមអក ស្រុកកំពុងត្របែក ខេត្តព្រៃវែងដែលទុកនៅក្រៅបន្ទប់ជំហៀងផ្ទះជួលស្ទឹងមានជ័យ ហើយម្ចាស់ម៉ូតូនោះកំពុងរវល់ការងារក្នុងផ្ទះ។
ខណះនោះជំនាញបាននាំខ្លួនជនសង្សយ័បញ្ជូនមកអធិការដ្ឋានដើម្បីបំពេញឯកសារតាមនីតិវិធីនិងបានធ្វើតេស្តស្វែងរកសារធាតុញៀនឃើញ ថា វិជ្ជមាន។
បច្ចុប្បន្ន ជនសង្សយ័័រួមនិងវត្ថុតាង ត្រូវសមត្ថកិច្ចឃាត់់ខ្លួនបណ្តោះអាសន្ននៅអធិការដ្ឋាននគរបាលស្រុកព្រៃឈរដើម្បីរងចាំម្ចាស់ម៉ូតូនិងសមត្ថកិច្ចនគរបាល ខេត្តព្រៃវែងមកទទួលចាត់ការបន្ត។
