បាត់ដំបង៖ នគរបាលការិយាល័យប្រឆាំងគ្រឿងញៀនបញ្ជូនបុរស២នាក់ ម៉ាទឹកកក ចំនួន ២០ថង់ ស្មើទម្ងន់៦៤៤៤ក្រាម និងប្រភេទយ៉ាម៉ា ៩៩៥គ្រាប់និងសម្ភារៈមួយចំនួនទៀតទៅតុលាការនារសៀលថ្ងៃទី៤ ខែមករាឆ្នាំ២០១៦ចាត់ការតាមនិតិវិធី។
លោក ស៊ាន សុណាល់ ប្រធាននគរបាលការិយាល័យប្រឆាំងគ្រឿងញៀនបានឲ្យដឹងថា ករណីបង្ក្រាបជំហ៊ានទី១ ៖ នៅម៉ោង១៧និង៣០នាទីល្ងាច ថ្ងៃទី៣ ខែមករាឆ្នាំ២០១៦ ម្នាក់ ក្នុងភូមិ១៣ មករា សង្កាត់ព្រែកព្រះស្តេច ក្រុង បាត់ដំបង កម្លាំងនគរបាលការិយាល័យ ប្រឆាំងគ្រឿងញៀនឃាត់ខ្លួនបុរសម្នាក់ឈ្មោះ អ៊ឺង ផានិតហៅឃ្នឹត អាយុ ២៥ឆ្នាំ រស់នៅភូមិឃុំកើតហេតុខាងលើ ។ ដកហូតថ្នាំញៀនប្រភេទ ម៉ាទឹកកក ចំនួន១៩ថង់ស្មើទម្ងន់៦៤,១៩ក្រាម និងប្រភេទយ៉ាម៉ា ៩៩៥គ្រាប់ និងសម្ភារៈប្រើប្រាស់ជក់និងវេចខ្ចប់ថ្នាំញៀនមួយចំនួនទៀត។
ករណីបង្ក្រាបជំហ៊ានទី២ ៖ នៅម៉ោង២១យប់ ថ្ងៃទី០៣ ខែមករា ឆ្នាំ២០១៦នៅភូមិបាឡាត់ឃុំនរាស្រុកសង្កែខេត្តបាត់ដំបង កម្លាំងនគរបាលការិយាល័យ ប្រឆាំងគ្រឿងញៀនឃាត់ខ្លួនបុរសម្នាក់ឈ្មោះ អ៊ី ម៉ាលីគី អាយុ ២៦ឆ្នាំ រស់នៅភូមិសូភី២សង្កាត់រតនៈក្រុងបាត់ដំបង។ដកហូតថ្នាំញៀនប្រភេទ ម៉ាទឹកកក ចំនួន១ថង់ស្មើទម្ងន់០,២៥ក្រាម ។
សង្ស័យទាំង២នាក់និងវត្ថុតាង សមត្ថកិច្ចកំពុងកសាងសំណុំរឿង ដើម្បីបញ្ជូនខ្លួនទៅតុលាការ ដើម្បីផ្តន្ទាទោសតាមច្បាប់៕
