កំពង់ធំ ÷ ថ្ងៃអង្គារ ១៥រោច ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ ខែវិច្ឆិកា ឆ្នាំ២០១៩ ឯកឧត្ដម សាយ សំអាល់ រដ្ឋមន្ត្រីក្រសួងបរិស្ថាន អញ្ជើញជាអធិបតីក្នុងពិធីសំណេះសំណាល សួរសុខទុក្ខមន្ត្រីឧទ្យានុរក្ស និងប្រជាសហគមន៍ និងត្រួតពិនិត្យស្ថានភាពគ្រប់គ្រងដែនជម្រកសត្វព្រៃ «ព្រៃឡង់» នៅទីស្នាក់ការព្រះអាទិត្យ ដែនជម្រកសត្វព្រៃ «ព្រៃឡង់» ខេត្តកំពង់ធំ ។
ពិធីសំណេះសំណាលនេះមានការចូលរួមពី ឯកឧត្ដម លោកជំទាវ លោក លោកស្រី តំណាងរាស្ត្រខេត្តកំពង់ធំ អភិបាលខេត្តកំពង់ធំ តំណាងក្រសួងបរិស្ថាន តំណាងក្រសួងសុខាភិបាល តំណាងក្រសួងទេសចរណ៍ តំណាងអង្គការក្រៅរដ្ឋាភិបាល មន្ត្រីរាជការអង្គភាពពាក់ព័ន្ធ ព្រមទាំងប្រជាសហគមន៍ចំនួន០៧ (សហគមន៍អូរដាស់ស្គរ សហគមន៍អូរគ្រញូង សហគមន៍កងមាស សហគមន៍ក្បាលដូនក្រី សហគមន៍ជាំធ្លក សហគមន៍ស្ករក្រូច ) សរុបចំនួន ៥០៩នាក់ ស្រីចំនួន ២១១នាក់ ។
ពិធីសំណេះសំណាលនេះផ្ដោតសំខាន់លើ៖
១)ជីវភាពប្រចាំថ្ងៃរបស់ប្រជាសហគមន៍
២)សន្តិសុខស្បៀងរបស់ប្រជាសហគមន៍
៣)សុខភាពរបស់ប្រជាសហគមន៍
៤)ការចងក្រងសហគមន៍
៥)ការអភិរក្ស . . . ។ល។
បញ្ចប់ពិធីសំណេះសំណាល ឯកឧត្ដម លោកជំទាវ លោក លោកស្រី បានអញ្ជើញចូលរួមចែក មុង មុងអង្រឹង អាវភ្លៀង ជូនដល់ មន្ត្រីឧទ្យានុរក្ស និងប្រជាសហគមន៍ ៕
