(ខេត្តកែប)៖ នៅព្រឹកថ្ងៃអង្គារ១៥រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៦ ខែវិច្ឆិកា ឆ្នាំ២០១៩ លោកបណ្ឌិត ស៊ិន វុទ្ធី រដ្ឋលេខាធិការប្រចាំការ ក្រសួងធនធានទឹក និងឧតុនិយម និងជាប្រធានមុខព្រួញខេត្តតាកែវ ខេត្តកំពត និងខេត្តកែប សហការជាមួយ រដ្ឋបាល ខេត្ត កែប ដែលមានការអញ្ចេីញចូលរួមពី លោក ព្រុំ គន្ធិ អភិបាល រងខេត្ត តំណាងដ៏ខ្ពង់ខ្ពស់ លោក កែន សត្ថា អភិបាល នៃគណ:អភិបាលខេត្ត កែប បានដឹកនាំកិច្ចប្រជុំផ្សព្វផ្សាយសារាចរណែនាំលេខ ១១សរណន ចុះថ្ងៃទី២១ ខែវិច្ឆិកា ឆ្នាំ២០១៩ របស់រាជរដ្ឋាភិបាលកម្ពុជា ស្តីពី ការចាត់វិធានការ ថែរក្សាទឹកទុក និងពន្យល់ពីបាតុភូត(EI Nino)។
ក្នុងកិច្ចប្រជុំ លោកបណ្ឌិតរដ្ឋលេខាធិការប្រចាំការ បានដោះស្រាយពីបញ្ហា ក៏ដូចជាកង្វល់មួយចំនួនដែលជាសំណូមពររបស់គណៈអភិបាលខេត្ត និងបានណែនាំឱ្យប្រើប្រាស់ទឹកដោយការសន្សំសំចៃ និងទទួលខុសត្រូវខ្ពស់ ចំពោះការធ្វេីស្រែប្រាំង គឺធ្វើ បានតែមួយដង ជាងនេះ ទៅទៀតគឺរក្សាទឹកទុកសម្រាប់ជីវភាពប្រចាំថ្ងៃរបស់ប្រជាពលរដ្ឋ និងសត្វពាហន:ថែមទៀត។
សូមជម្រាបថា ពិធីនេះស្ថិតក្រោមវត្តមានចូលរួមកិច្ចប្រជុំផ្សព្វផ្សាយសារាចរណែនាំមានចំនួន ៥៥រូប រួមមាន៖
-មន្ទីរ-អង្គភាពដែលមានការពាក់ព័ន្ធចំនួន ៣៣រូប
-ក្រុង-ស្រុក ចំនួន ០៧រូប
-ឃុំ-សង្កាត់ ចំនួន ០៥រូប
-សហគមន៍កសិករប្រើប្រាស់ទឹក ចំនួន ១០រូប ហើយក្នុងឱកាសនោះ លោកបណ្ឌិត សិុន វុទ្ធី បានពាំនាំនូវថវិការបស់ លោក លឹម គានហោ រដ្ឋមន្ត្រី ក្រសួង ធនធាន ទឹក និង ឧតុនិយម ដោយបានឧបត្ថម្ភដល់អ្នកចូលរួមក្នុងម្នាក់ៗចំនួន១០ដុល្លារ ផងដែរ៕ សេង ណារិទ្ធ
