មណ្ឌលគិរី ៖ សមត្ថកិច្ចនគរបាលបានចុះបើកប្រតិបត្តិការត្រួតពិនិត្យនិង ណែនាំច្បាប់ចរាចរណ៍ផ្លូវគោកថ្មី ជូនពលរដ្ឋនៅ ខេត្តមណ្ឌលគិរី នៅព្រឹកថ្ងៃទី០១ខែមករាឆ្នាំ២០១៦។
នាយការិយាល័យចរាចរណ៍ផ្លូវគោកខេត្តមណ្ឌលគិរីបានអោយដឹងថា ព្រឹកថ្ងៃទី១ ខែមករា ឆ្នាំ២០១៦នេះគ្រប់កំលាំង របស់នគរបាលចរាចរណ៍ខេត្តមណ្ឌលគិរី និងជួបប្រជុំគ្នាដើម្បីសំរេច និងបែងចែកត្រួតពិនិត្យកំលាំង តាមគោលដៅនីមួយៗ ។
លោកបន្តថា ប្រតិបត្តិចុះត្រួតពិនិត្យច្បាប់ចរាចរណ៍ថ្មីនេះកំលាំងបានធ្វើជិតរង្វង់មូលគោព្រៃ តែ១គោលដៅ ប៉ុណ្ណោះ ។
ចំពោះការពិន័យអ្នកដែលមិនបានគោរពច្បាប់ត្រូវចេញអោយនូវវិក្ក័យប័ត្រ ដើម្បីយកទៅបង់ប្រាក់ផាកពិន័យ នៅការិយាល័យកណ្តាលនៅស្នងការដ្ឋាន ឬនៅទីតាំងណាមួយទៀត ដែលនៅជិតបំផុតងាយ ស្រួលដល់អ្នកដែល ចូល ទៅបង់ប្រាក់ពិន័យ ព្រមទាំងធ្វើការផ្សព្វផ្សាយច្បាប់ចរាចរណ៍ ដើម្បីបញ្ជ្រាបព័ត៌មានជូនដល់ពលរដ្ឋនៅមណ្ឌលគិរីដែលភាគច្រើនពួកគាត់ជាជនជាតិដើមភាគតិច ៕
ដោយ ៖ ហេង ចាន់ណុប
