មណ្ឌលគីរី ៖ ករណីគ្រោះថ្នាក់ចរាចរណ៏បង្ករអោយមានមនុស្សស្លាប់លើកនេះបានកើតឡើងនៅ ម៉ោង ៧និង៣០នាទីព្រឹក ថ្ងៃទី១មករាឆ្នាំ២០១៦ចំនុចគីឡូម៉ែតលេខ៦៣ភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
អ្នកឃើញហេតុការណ៏បានអោយដឹងថា គេបានឃើញរថយន្តប្រភេទសាំយ៉ុងពណ៍សរមួយគ្រឿង បើកបរក្នុងទិសដៅពីត្បូងទៅជើង លើកំណាត់ផ្លូវជាតិលេខ៧៨ លុះមកដល់ចំនុចកើតហេតុស្រាប់តែមានម៉ូតូកែច្នៃមួយគ្រឿង បើកបោះពួយចេញពីចិញ្ចើមផ្លូវកាត់មុខរថយន្តបង្ករអោយបុកគ្នាពេញទំហឹងតែម្ដង។
នគរបាលចរាចរណ៏នៃអធិការដ្ឋានស្រុកកែវសីមាបានអោយដឹងថាករណីគ្រោះថ្នាក់ចរាចរណ៏នេះបង្ករដោយរថយន្តសាំយ៉ុងនិងម៉ូតូកែច្នៃក្នុងនោះក៏មានម្នាក់ស្លាប់ផងដែរ។
នគរបាលបន្តថា ជនរងគ្រោះដែលស្លាប់ជាអ្នកបើកបរម៉ូតូមានឈ្មោះជ័យ នៅ ភេទប្រុស អាយុ២៣ឆ្នាំមានទីលំនៅក្បែរកន្លែងកើតហេតុ។ ចំនែកភាគីរថយន្តសាំយ៉ុងពាក់ស្លាកលេខ 2AH3634 បើកបរដោយឈ្មោះយឹង សុផានិតភេទប្រុស អាយុ ២៧ឆ្នាំកាន់ប័ណ្ណបើកបរលេខ B.KCH0008501 មានទីលំនៅភូមិឆ្នែង ឃុំស្រែខ្ទុម ស្រុកកែវសីមា។
សូមបញ្ជាក់ថានគរបាលចរាចរណ៏នៃស្នងការដ្ឋានខេត្តមណ្ឌលគិរីនៅថ្ងៃ១មករា២០១៦នេះ ក៏កំពុងតែបើកប្រតិបត្តការរឹតបន្តឹងចរចរណ៍ នៅក្នុងក្រុងសែនមនោរម្យផងដែរ ៕
ហេង ចាន់ណុប
