ខេត្តបាត់ដំបង ៖ នៅថ្ងៃទី១៦ ខែកញ្ញា ឆ្នាំ២០១៩ វេលាម៉ោង ១០:៣៥នាទី ការិយាល័យនគរបាលព្រហ្មទណ្ឌកម្រិតស្រាល បានឃាត់ខ្លួនជនសង្ស័យ ០១ នាក់ ដែលបានធ្វើសកម្មភាព លួច យកទូរសព្ទ័ដៃនៅក្នុងមន្ទីរពេទ្យបង្អែកខេត្តបាត់ដំបង ។
ដោយអនុវត្តន៍តាមការណែនាំបញ្ជាផ្ទាល់ពី ឯកឧត្ដមឧត្ដមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាលោកឧត្ដមសេនីយ៍ត្រី ជេត វណ្ណនី ស្នងការរងផែនការងារនគរបាលព្រហ្មទណ្ឌ និង មានការសម្របសម្រួលទៅលើនីតិវិធីពីលោក នួន សាន ព្រះរាជអាជ្ញាអមសាលាដំបូងខេត្តបាត់ដំបង នៅថ្ងៃចន្ទ ៣ រោច ខែភទ្របទ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៦ ខែកញ្ញា ឆ្នាំ២០១៩ វេលាម៉ោង ១០:៣៥នាទី នៅចំណុចភូមិអង់ សង្កាត់ អូរចារ ក្រុងបាត់ដំបង ខេត្តបាត់ដំបង លោកវរសេនីយ៍ទោ ឈឿង គឹមសុង ប្រធានការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំង ក្រុមអន្តរាគមន៍ បង្ការ បង្ក្រាប ចុះប្រតិបត្តិការឃាត់ខ្លួនជនសង្ស័យ ០១ នាក់ ដែលបានធ្វើសកម្មភាព លួច យកទូរសព្ទ័ដៃនៅក្នុងមន្ទីរពេទ្យបង្អែកខេត្តបាត់ដំបង ។
កើតហេតុនៅថ្ងៃទី ១៤ ខែកញ្ញា ឆ្នាំ ២០១៩ វេលាម៉ោងប្រហែល ០៤:៣០នាទីទៀបភ្លឺ នៅចំណុចក្នុងមន្ទីរពេទ្យបង្អែកខេត្តបាត់ដំបង ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ជនសង្ស័យចំនួន ០១ នាក់
– ឈ្មោះ ជា ហៅ ខ្លឹង,រ៉ា ភេទប្រុស អាយុ ៤៧ឆ្នាំ មានទីលំនៅមិនពិតប្រាកដ
វត្ថុតាងដកហូតរួមមាន ៖ – ទូរស័ព្ទដៃម៉ាក OPPO F9 ចំនួន ០១គ្រឿង ( ជារបស់ជនរងគ្រោះ ) – ម្សៅក្រាមពណ៌ ស ស្រអាប់ សង្ស័យមានសារធាតុញៀន ចំនួន ០១កូនថង់ ។
ជនរងគ្រោះចំនួន ០២ នាក់
1-ឈ្មោះ ទីង សល់ ភេទប្រុស អាយុ ៤៨ឆ្នាំ មានទីលំនៅភូមិជ្រៃ១ ឃុំជ្រៃ ស្រុកមោងឬស្សី ខេត្តបាត់ដំបង ។
2-ឈ្មោះ រិន សា ភេទប្រុស អាយុ ២៤ឆ្នាំ មានទីលំនៅភូមិដូនទ្រី ឃុំជ្រៃ ស្រុកមោងឬស្សី ខេត្តបាត់ដំបង ។
បច្ចុប្បន្ន ការិយាល័យជំនាញកំពុងតែធ្វើការកសាងសំណុំរឿង ដើម្បីបញ្ជូនទៅតុលាការដើម្បីចាត់ការតាមនីតិវិធី ៕
