ខេត្តបាត់ដំបង ៖ ថ្ងៃសៅរ៍ ១រោច ខែភទ្របទ ឆ្នាំកុរ ឯកស័ក ២៥៦៣ ត្រូវនឹងថ្ងៃទី១៤ ខែកញ្ញា ឆ្នាំ២០១៩ វេលាម៉ោង១២:៣០នាទី ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក អគ្គលេខាធិការរង គណៈអចិន្ត្រៃយ៍ នៃគណៈកម្មាធិការកណ្តាលសមាគមអតីតយុទ្ធជនកម្ពុជា និងឯកឧត្តម អស់លោកគណៈប្រតិភូអមដំណើរ, លោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥, លោកឧត្តមសេនីយ៍ទោ អ៊ុក ឃ្នួច មេបញ្ជាការ តំបន់ប្រតិបត្តិការសឹករងបាត់ដំបង ជាប្រធាន ស.អ.ក ខេត្ត.ឯកឧត្តម អស់លោក អនុប្រធាន ស.អ.ក ខេត្ត អញ្ជើញជាអធិបតីក្នុងពិធី ប្រគល់ផ្ទះចំនួន ១២ខ្នង នៅស្រុកសង្កែ ០៣ខ្នង, ស្រុកបវេល ០៣ខ្នង, ស្រុកគាស់ក្រឡ ០៣ខ្នង, ស្រុករុក្ខគិរី ០២ខ្នង និងស្រុកបាណន់ ០១ខ្នង ជាអំណោយដ៏ថ្លៃថ្លារបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានសមាគម អតីតយុទ្ធកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ជូនអតីតយុទ្ធចំនួន ១២គ្រួសារ ដែលមានជីវភាពទីទ័លក្រ គ្មានទីជំរកសមរម៖
កម្មវិធីនេះម្ចាស់ផ្ទះទទួលបានគ្រឿងឧបភោគ ជាអំណោយដ៏ថ្លៃថ្លារបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុង១នាក់រួមមាន៖ ថវិកា ៤០០,០០០រៀល, អង្ករចំនួន ១០០គីឡូក្រោម, គ្រែ ១, ទឹកត្រី១យួរ, ទឹកស៊ីអីវ ១យួរ, ត្រីខ ០១យួរ, ឆ្នាំង ចាន មុង ០១, ភួយ ០១, កន្ទេល ០១, អតីតយុទ្ធជន ដែលបានចូលរួមចំនួន ៣០នាក់ ក្នុងម្នាក់ៗទទួលបានថវិកាចំនួន ៥០,០០០រៀល និងសារុង ០១, លោកប្រធាន ស.អ.ក ស្រុកសង្កែ, ស្រុកបវេល, ស្រុកគាស់ក្រឡ, ស្រុករុក្ខគិរី និងស្រុកបាណន់ ក្នុងម្នាក់ៗទទួលបានថវិកាចំនួន ២០០,០០០រៀល សម្រាប់ធ្វើមធ្យោបាយ នាំអតីតយុទ្ធជន មកចូលរួម និងសមាគម អតីតយុទ្ធជនកម្ពុជាខេត្តបាត់ដំបង ទទួលបានថវិកាចំនួន ១០,០០០,០០០ រៀលផងដែរ។
ឯកឧត្តម ឧត្តមសេនីយ៍ឯក ហ៊ុន ម៉ាណែត បានមានប្រសាសន៍សំណេះសំណាលជាមួយ អតីតយុទ្ធជន និងម្ចាស់ផ្ទះថ្មីដែលត្រូវប្រគល់ជូននាពេលនេះ ហើយបានពាំនាំពាក្យផ្តាំផ្ញើសួរសុខទុក្ខពី សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងថ្នាក់ដឹកនាំគ្រប់លំដាប់ថ្នាក់ ផងដែរ ។
ពិធីប្រគល់ផ្ទះនេះ ធ្វើរួមនៅផ្ទះអតីតយុទ្ធជន ឈ្មោះ ហ៊ឹម សេរី ស្ថិតនៅភូមិបេង ឃុំអន្លង់វិល ស្រុកសង្កែ ខេត្តបាត់ដំបង ៕
