ស្នងការខេត្តបាត់ដំបង ៖ ព្រឹកថ្ងៃសៅរ៍ ១រោច ខែភទ្របទ ឆ្នាំកុរ ឯកស័ក ព.ស២៥៦៣ ដែលត្រូវនឹងថ្ងៃទី ១៤ ខែកញ្ញា ឆ្នាំ២០១៩នេះ លោកវរសេនីយ៍ទោ វេ គឹមស៊ីម នាយការិយាល័យបុគ្គលិក សូមធ្វើការបកស្រាយបំភ្លឺជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្ដម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្ដម ឧត្ដមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង អោយបានជ្រាបថា៖ កាលពីថ្ងៃទី០៩ ខែកញ្ញា ឆ្នាំ២០១៩ ឯកឧត្តម ឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង បានចាត់តាំងលោកឧត្តមសេនីយ៍ត្រី សៅ សាម៉ុន ស្នងការរងផែនការងារធនធានមនុស្ស ទៅទទួលថវិកាគោលនយោបាយរបស់រាជរដ្ឋាភិបាលចំនួន៥០០,១៨០,១២០រៀល នៅនាយកដ្ឋានបុគ្គលិក នៃអគ្គស្នងការដ្ឋាននគរបាលជាតិ ក្រសួងមហាផ្ទៃ ដើម្បីយកមកបើកផ្តល់ជូនមន្ត្រីនគរបាលចូលនិវត្តន៍ ចំនួន ២៨នាក់ និងគ្រួសារនគរបាលមរណៈ ចំ។នួន ២២នាក់ ។
ហើយមុនពេលប្រគល់គឺតំរូវឲ្យការិយាល័យបុគ្គលិក ពិនិត្យឯកសារពាក់ព័ន្ធឲ្យបានច្បាស់លាស់ជាមុនសិន ហើយម្យ៉ាងទៀត ឯកឧត្តម ស្នងការនគរបាលខេត្តបាត់ដំបង ត្រូវធ្វើជាគណៈអធិបតីក្នុងពិធីប្រគល់នេះ ផងដែរ។ ក៏បានកំណត់យកព្រឹកថ្ងៃ១៤ ខែកញ្ញា ឆ្នាំ២០១៩ វេលាម៉ោង ៩ និង០០ នាទី ដើម្បីបើកផ្តល់ជូនមន្ត្រីនគរបាលចូលនិវត្តន៍តែម្ដង ។
ស្រាប់តែនៅល្ងាចថ្ងៃទី១៣ ខែកញ្ញា ឆ្នាំ២០១៩ បានឃើញគេហទំព័រ Fast News ចុះផ្សាយថាលោកឧត្តមសេនីយ៍ត្រី សៅ សាម៉ុន ស្នងការរងផែនការងារធនធានមនុស្ស និងរូបខ្ញុំបាទ វរសេនីយ៍ទោ វេ គឹមស៊ីម នាយការិយាល័យបុគ្គលិក បានឃុបឃិតគ្នាស៊ីដាច់ប្រាក់សមាគមមិត្តប៉ូលីស ឬថវិកាឧបត្ថម្ភជាច្រើននាក់ មិនតិចជាង២០០លាន ទៅ៣០០លានរៀលទៅវិញ ដោយមិនមានការសាកសួរ ឬការបំភ្លឺពីរូបខ្ញុំបាទ ក៏ដូចលោកឧត្តមសេនីយ៍ត្រី សៅ សាម៉ុន នោះទេ។ ម្យ៉ាងទៀតខ្ញុំបាទទើបតែប្រកាសចូលកាន់មុខតំណែងជានាយការិយាល័យបុគ្គលិក ទើបតែបាន៣ខែប៉ុណ្ណោះ ។ ហើយខ្ញុំបាទសុំបដិសេធទាំងស្រុងនូវការចុះផ្សាយតាមបណ្ដាញសង្គមហ្វេសប៊ុករបស់គេហទំព័រ fast Newsលើកឡើងរនោះ គឺជាព័ត៌មានមិនពិតនោះទេ។
ដូច្នេះហើយខ្ញុំបាទសូមគោរពជូនសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្ដម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្ដម ឧត្ដមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាមហាជនក្នុងប្រទេសទាំងអស់កុំមានការយល់ច្រឡំ ពីព្រោះព័ត៌មានដូចខាងលើនេះមិនមែនជាព័ត៌មានកាពិតនោះទេ ….សូមអគុណ។
(ដោយ គេហទំព័រ កម្ពុជាអភិវឌ្ឍន៍)
www.Kap-news.com
077797952/0887797952
WhatsApp=012580455
