ប៉ៃលិន ៖ អក្ខរកម្មផ្តល់ជំនាញមូលដ្ឋានដល់ប្រជាពលរដ្ឋគ្រប់រូប ក្នុងការប្រកបមុខរបរចិញ្ចឹ ជីវិត កែលំអជីវភាពរស់នៅឱ្យកាន់តែប្រសើរឡើង ហើយគោលការណ៍យុទ្ធសាស្ត្ររបស់រាជរដ្ឋាភិបាល គឺសំដៅធានាថា «យុវជនម្នាក់មានជំនាញមួយយ៉ាងតិចប្រចាំជីវិត» ដើម្បីជំរុញការអភិវឌ្ឍន៍សង្គម សេដ្ឋកិច្ចឱ្យចម្រើនឡើងមួយកម្រិតទៀត ។ ការផ្សារភ្ជាប់ជំនាញមុខរបរនេះមានគោលដៅ បណ្តុះបណ្តាលប្រជាពលរដ្ឋជនរួមជាតិ ដែលមិនមានឱកាសចូលរៀនឱ្យ ពួកកាត់បានចូលរៀនក្នុងសាលារៀន ហើយឱ្យទទួលបាននូវចំណេះដឹង ចំណេះធ្វើយ៉ាងពិតប្រាកដ ។ លើសពីនេះការរៀនសូត្រមិនត្រឹមតែ បំពេញការងារមុខរបរប៉ុណ្ណោះទេ វាអាចលើកម្ពស់ជីវភាពរស់នៅរបស់ខ្លួនផងដែរ ។
នេះជាការលើកឡើងរបស់ឯកឧត្តម ផាន់ ចាន់ធុល អភិបាលខេត្តប៉ៃលិន ក្នុងទិវាជាតិ៨ កញ្ញា ២០១៩ ក្រោមប្រធានបទ«អក្ខរកម្មផ្សារភ្ជាប់នឹងជំនាញមុខរបរ» នៅព្រឹកថ្ងៃទី១០ ខែកញ្ញា ឆ្នាំ២០១៩ ស្ថិតនៅក្នុងបរិវេណវិទ្យាល័យហ៊ុនសែនក្រុងទេពនិម្មិតប៉ៃលិន។
ឯកឧត្តមបន្តទៀតថា សូមឱ្យស្ថាប័នពាក់ព័ន្ធ ដូចជាមន្ទីរអប់រំ ទីវត្តអារាម គ្រឹះស្ថានអប់រំឯកជន ព្រមទាំងបុព្វជិតសាសនា ត្រូវបង្កើនកម្មវិធីអប់រំផ្នែកអក្ខរកម្ម និងជំនាញ ដល់ប្រជាពលរដ្ឋគ្រប់រូប ។
ចំណែកអាជ្ញាធរដែនដី ត្រូវយកចិត្តទុកដាក់គាំទ្រ និងលើកទឹកចិត្ត ដល់គ្រប់ស្ថាប័នខាងលើឱ្យអនុវត្ត ការងារឱ្យកាន់តែមានប្រសិទ្ធិភាពខ្ពស់ និងជួយជំរុញដល់ប្រជាពលរដ្ឋនៅទីជនបទឱ្យបានចូលរៀនគ្រប់ៗគ្នា ជាពិសេសជំនាញនិងមុខរបរ ហើយត្រូវរៀបចំគោលនយោបាយ ក្របខណ្ឌលិខិតបទដ្ឋាន យន្តការចំបាច់ ដើម្បីដឹកនាំ និងអនុវត្តឱ្យមានប្រសិទ្ធិភាព ដោយធានាបាននូវលទ្ធផលនៃការសិក្សាពេញមួយជីវិតរបស់ពលរដ្ឋគ្រប់រូប ដើម្បីយកជំនាញខាងលើទៅប្រកបការងារចិញ្ចឹមជីវិតឱ្យមានភាពជីវភាព កាន់តែប្រសើរឡើង។
ជាមួយគ្នាឯកឧត្តមអភិបាលខេត្តក៏បានអំពាវនាវដល់មន្ត្រីរាជការ លោកគ្រូអ្នកគ្រូ និងប្រជាជាព លរដ្ឋទាំងអស់ កុំចាញ់ឃោសនា របស់ក្រុមលោក សំ រង្ស៊ី ដែលកំពុងប្រមូលកម្លាំងគ្នាចូលរួមគាំទ្រនិង ទៅទទួលពួកគេនៅថ្ងៃទី០៩ ខែវិច្ឆិកា ខាងមុខនេះ គឺជាការខុសច្បាប់ទាំងស្រុង ។ បើពលរដ្ឋណាទៅចូ លរួម នឹងអាចមានទោសទណ្ឌដល់ខ្លួនថែមទៀត ។ ឯកឧត្តមបន្ថែមថា ក្នុងនាមជាគណ:អភិបាលខេត្ត ប៉ៃលិន សូមប្តេជ្ញាថា នឹងមិនអនុញ្ញាតិឱ្យទណ្ឌិត សម រង្ស៊ី ចូលមកក្នុងទឹកដីខេត្តប៉ៃលិនជាដាច់ខាត ។
បើតាមរបាយការណ៍របស់លោក ជា អ៊ិត អនុប្រធានមន្ទីរអប់រំយុវជន និងកីឡា ខេត្តប៉ៃលិន បានឱ្យដឹងថា ប្រជាពលរដ្ឋសរុបទាំងអស់ចំនួន៦៩.០៩៦នាក់ ស្រី៣៤៤៦៨នាក់ អក្ខរជនអាយុចាប់ពី (១៥ដល់៤៥សរុបចំនួន២.៤៤១នាក់ ស្រី១.១៥៤នាក់) ក្នុងនោះអនុវិស័យអប់រំក្រៅប្រព័ន្ធនៃមន្ទីរអប់រំ រួមមានកម្មវិទីសមមូលសិក្សាសរុបចំនួន៨ថ្នាក់ គ្រូសរុបចំនួន៨នាក់ ស្រី៤នាក់ សិស្សសរុបចំនួន១៤៣នាក់ ស្រី៧៥នាក់ មជ្ឈមណ្ឌលសិក្សាសហគមន៍ចំនួន៧កន្លែង មានបណ្តុះបណ្តាលជំនាញដូចជាកាត់ ដេរ កុំព្យូទ័រ កសិកម្ម ភ្លេងពិណពាទ្យ សិប្បកម្មឈើ កែសម្ផស្ស កាត់ដេរ និងកាត់សក់បុរស មានគ្រូសរុបចំនួន១០នាក់ ស្រី២នាក់ សិស្សសរុបចំនួន១៣៣នាក់ ស្រី៧៤នាក់ ៕
(ដោយ គេហទំព័រ កម្ពុជា អភិវឌ្ឍន៍)
www.Kap-news.com
077797952/0887797952
WhatsApp=012680455
