ខេត្តបន្ទាយមានជ័យ ៖ តំបន់សមរភូមិស៊ីសាច់ហុតឈាម នៅជាប់នឹងព្រំដែនកម្ពុជា-ថៃ កាលពីសម័យសង្គ្រាម បានប្រែក្លាយទៅជាតំបន់អភិវឌ្ឍន៍យ៉ាងឆាប់រហ័សលើគ្រប់វិស័យ ពិសេសវិស័យព្រះពុទ្ធសាសនា ដោយក្រោមដំបូលសន្តិភា នៃការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា។
យ៉ាងណាមិញវត្តសិរីមង្គលសុទ្ឋារាម ហៅវត្តស្ទឹងបត់ ដែលមានទីតាំងស្ថិតនៅក្នុងភូមិស្ទឹងបត់ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ត្រូវបានកសាងឡើងជាបន្តបន្ទាប់រហូតទទួលបាននូវសមិទ្ធផលនានាជាច្រើនសម្ភោទឆ្លង ទាំងនេះដោយមានកាខិតខំប្រឹងប្រែងពីក្រុមគណៈកម្មការ អាចារ្យវត្ត ព្រះសង្ឃរួមទាំងពុទ្ធបរិស័ទចំណុះជើងវត្តផងដែរ។
ជាក់ស្តែងនៅព្រឹកថ្ងៃទី៩ ខែកញ្ញា ឆ្នាំ ២០១៩នេះ ក្រុមគណៈកម្មការចំណុះជើងវត្តសិរីមង្គលសុទ្ធារាម ហៅវត្តស្ទឹងបត់ បានមូលមតិគ្នាធ្វើពិធីដាក់សម្ពោធសមិទ្ធផលនានានៅក្នុងវត្ត និងកាត់ខ្សែបូរណ៍ឆ្លង រូបព្រះវិស្នុ(លោកតារាជ្យ) ក្រោមអធិបតីភាពឯកឧត្តមឧត្តមសេនីយ៍ទោ អាត់ ខែម ស្នងការដ្ឋាននគរបាលខេត្តបន្ទាយមានជ័យ ព្រមទាំងមន្ត្រីរាជការ កងកម្លាំង សប្បុរជន ពុទ្ធបរិស័ទចំណុះជើងវត្តផងដែរ។
តាមសង្ឃដីកាលើកឡើងរបស់ព្រះគ្រូអនុគណក្រុងប៉ោយប៉ែតដែលមានព្រះនាមហៅថា ប៉ុក ចំរើន និងជាព្រះចៅអធិការវត្តខាងលើនោះ បានមានសង្ឃដីកាថា ថ្ងៃនេះយើងធ្វើពិធីសម្ពោធដាក់ឲ្យប្រើប្រាស់នូវរូបព្រះវិស្ណុដៃបួន ហៅលោកតារាជ្យ ដែលមានកម្ពស់៤ម៉ែត្រឯណោះ រួមទាំងមានសមិទ្ធផលផ្សេងទៀតដែលបានកសាងរួចរាល់ហើយ។
ព្រះចៅអធិការវត្តក៏មានសង្ឃដីកាទៀតថា នៅក្នុងឆ្នាំ១៩៩៣ ហើយកាលណោះ រូបព្រះវិស្ណុ ហៅតារាជ្យនេះ គឺគេបានដាក់ព្រះអង្គនៅចំណុចរង្វង់មូលច្រកទ្វារអន្តរជាតិប៉ោយប៉ែតដោយបែរព្រះភ័ក្ត្រទៅប្រទេសថៃ ហើយប្រជាពលរដ្ឋយើងមុននឹងចេញទៅប្រទេសថៃ គឺគេតែងតែនាំគ្នាបួងសួងសុំសេចក្តីសុខគ្រប់គ្នាមិនដែលខានឡើយ ក្រៅពិនោះ ក៏មានភ្ញៀវជាតិនិងអន្តរជាតិដែលឆ្លងកាត់នៅច្រកទ្វារអន្តរជាតិប៉ោយប៉ែត តែងតែធ្វើកាដុតធូកបួងសួរសុំសួរផងដែរ។
លុះនៅថ្ងៃទី១២ ខែតុលា ឆ្នាំ២០១១ ត្រូវនឹងថ្ងៃ ១រោច ខែអស្សុជ ឆ្នាំថោះ ត្រីស័កពុទ្ធស័ក ២៥៥៥ កាលនោះគឺលោក ទ្រី ណារិន អតីតជាអភិបាលក្រុងប៉ោយប៉ែត បានសម្រេចដករូបតារាជ្យចេញពីរង្វង់មូលច្រកទ្វារអន្តរជាតិប៉ោយប៉ែត មកដាក់នៅក្នុងវត្តខាងលើនោះ ដោយយករង្វង់មូលច្រកទ្វារធ្វើជាការអភិវឌ្ឍន៍នូវសមិទ្ធផលផ្សេងទៀតចាប់ពីពេលនោះមករហូតមកដល់សព្វថ្ងៃនេះ។
ថ្លែងក្នុងឱកាសនេះឯកឧត្តមឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ មានប្រសាន៍ សំណេះសំណាល និងផ្តាំផ្ញើដល់ប្រជាពលរដ្ឋទាំងអស់កំចាញ់នូវឧបាយកលជនអគតិមួយចំនួន ដែលដើរញុះញុងដើម្បីផលប្រយោជន៍នយោបាយបក្សពួករបស់ទណ្ឌិត សម រង្ស៊ី អោយសោះពីព្រោះវាមិនល្អនោះទេ ជាពិសេះគឺវាបានធ្វើឲ្យប៉ះពាល់ដល់សន្តិសុខជាតិយ៉ាងធ្ងន់ធ្ងរទៀតផង។
បន្ទាប់ពីនេះឯកឧត្តម ឧត្តមសេនីយ៍ទោ ស្នងការ បានអញ្ជើញកាត់ខ្សែបូរ និងចែកអំណោយជូនដល់កងកម្លាំងប៉ូលីសក្រុង ប្រជាការពាភូមិ និងលោកតា លោកយាយ បងប្អូនប្រជាពលរដ្ឋចំនួន១៥០គ្រួសារ។
-១គ្រួសាទទួលបានសារ៉ុង១,ក្រម៉ា១,ថវិការចំនួន២ម៉ឺនរៀល។
-តាជី យាយជី ចំនួន៦០នាក់ក្នុងម្នាក់ទទួលបានក្រម៉ា១,ថវិការចំនួន១ម៉ឺនរៀល។
-ប្រជាការពារភូមិស្ទឹងបទ ទទួលបានប្រាក់ឧបត្ថម្ភចំនួន១លានរៀល។
-ប៉ូលីសក្រុងប៉ោយប៉ែត ទទួលបានប្រាក់ឧបត្ថម្ភចំនួន១លានរៀលផងដែរ៕
