បាត់ដំបង ៖ ថ្ងៃសៅរ៍ ៩ កើត ខែភទ្របទ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៧ ខែកញ្ញា ឆ្នាំ២០១៩ បង្ក្រាបករណីអំពើលួច ( សម្ភារៈសំណង់ ) កើតហេតុនៅចំណុចក្រោយផ្សារទំនើប ភូ ពុយ ស្ថិតក្នុងភូមិអញ្ចាញ សង្កាត់អូចារ ក្រុងបាត់ដំបងខេត្តបាត់ដំបង ។
ជនសង្ស័យចំនួន 2 នាក់ ៖
1-ឈ្មោះ សារួញ កើត ភេទប្រុស អាយុ 26ឆ្នាំមានទីលំនៅក្រុមទី7 ភូមិចំការសំរោង 2 សង្កាត់ចំការសំរោង ក្រុងបាត់ដំបង ខេត្តបាត់ដំបង។
2-ឈ្មោះ ថេង រ័ត្ន ភេទប្រុស អាយុ 30 ឆ្នាំមានទីលំនៅភូមិតាកុយ សង្កាត់ដូនទាវ ក្រុងបាត់ដំបងខេត្តបាត់ដំបង ។ ( ជាអ្នកទទួលផល )
វត្ថុតាងចាប់យករួមមាន ៖ – ម៉ូទ័រកាត់ដែកចំនួន 1 គ្រឿង – ម៉ូទ័រស្វានចំនួន 1 គ្រឿង – ម៉ូទ័រឆាបដែកចំនួន 1 គ្រឿង – ប៉ុសផ្សាដែកចំនួន 1 គ្រឿង – ដែកជ្រុងចំនួន 14 ដើម – ស៊ីម៉ង់ត៍ចំនួន 11ការ៉ុង – ការ៉ូចំនួន 8 កេស
សភាពនៃរឿងហេតុ ៖ ជនសង្ស័យបានធ្វើការសំណង់នៅក្រោយផ្សារទំនើប ភូ ពុយ ដោយនៅក្នុង ខែមិថុនា ឆ្នាំ 2019 ជនសង្ស័យបានលួចស៊ីម៉ង់ត៍ ចំនួនពីរការ៉ុង យកទៅផ្ញើនឹងឈ្មោះ ស្មី រស់នៅភូមិចំការសំរោង 2 សង្កាត់ចំការសំរោង ក្រុងបាត់ដំបង ខេត្តបាត់ដំបង ក្រោយមកទៀត ជនសង្ស័យបានលួចយកស៊ីមងត៍ជាបន្តបន្ទាប់រហូតបានចំនួន 13 ការ៉ុង ដោយពេលលួចបាន គឺជនសង្ស័យបានយកទៅឱ្យឈ្មោះ ស្មី ទាំងអស់ លុះប្រហែលជាមួយខែក្រោយមក ជនសង្ស័យបានលួចយកម៉ូទ័រកាត់ដែកមួយទៅបញ្ចាំឲ្យឈ្មោះ រត្ន័ នៅជិតវត្តក្តុល បានតម្លៃ 10 ម៉ឺនរៀល ក្រោយមកទៀត ជនសង្ស័យបានលួចដែក 16 លី ចំនួន 10 ដើមយកទៅបញ្ចាំបានលុយ 3 ម៉ឺនរៀល និង លួចម៉ូទ័រស្វានបេតុង យកទៅបញ្ចាំបានលុយ 6 ម៉ឺនរៀល និង បានលួចប៉ុស្តិ៍ផ្សាដែក យកទៅបញ្ចាំបានលុយចំនួន 10 ម៉ឺនរៀល និងលួច ម៉ូទ័រ ឆាបដែកយកទៅបញ្ចាំបានលុយ 4 ម៉ឺនរៀលនិងម៉ូទ័រស្វានបេតុងរបស់ជនសង្ស័យយកទៅបញ្ចាំបានលុយ 5 ម៉ឺនរៀល នៅពេលដែលជនសង្ស័យលួចបានគឺយកទៅឱ្យឈ្មោះ រត្ន័ នៅជិតវត្តក្តុលទាំងអស់ ៕
