ភ្នំពេញ៖ ហាងកាហ្វេមួយកន្លែង មានបង្កប់ល្បែងស៊ីសងភ្នាល់ប្រដាល់តាមទូរទស្សន៍ ស្រែកហូរកញ្រៀវអូរអរ យ៉ាងអាណាធិបតេយ្យ ចំណែកសមត្ថកិច្ចមូលដ្ឋានហាក់ដូចជាគ្មានអើពើចំពោះទីតាំងខាងលើនេះ សូម្បីតែបន្តិច ឬមួយសម្ថតកិច្ចពាក់ព័ន្ធ ទទួលបានការសែនព្រេនពីទីតាំងខាងលើនេះ ទេីបបានជាគ្មានចំណាត់ការចុះបង្ក្រាបទីតាំងល្បែងខាងលើនេះសោះ។
ទីតាំងខាងលើនេះ ស្ថិតនៅតាមបណ្ដោយផ្លូវជាតិលេខ៥ ក្នុងសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។
ប្រភពព័ត៌មាន ពីប្រជាពលរដ្ឋ ជុំវិញទីតាំងខាងលើនេះ បានប្រាប់អ្នកយកព័ត៌មានយើងថា ទីតាំងល្បែងស៊ីសងខាងលើនេះ បានបើកលេងជារៀងរាល់ថ្ងៃតែម្ដង ពិសេសគឺថ្ងៃសៅរ៍ អាទិត្យ ដែលមានការភ្នាល់ចាក់ប្រដាល់ ស៊ីសង នឹងស្រែកហូរកញ្ច្រៀវអូរអរ រំខានគេឯង យ៉ាងអាណាធិបតេយ្យ។
ប្រភពដដែលបន្តទៀតថា ទីតាំងខាងលើនេះ បើកលេងយ៉ាងដុះស្លែរតែម្ដង ប្រមាណជា5ទៅ6ឆ្នាំមកហើយ មិនដែលឃើញមន្ត្រីអាជ្ញាធររូបណាអើពើនឹងទីតាំងល្បែងនេះឡើយ សង្ស័យតែអជ្ញាធរពាក់ព័ន្ធដេកលក់អស់ហើយមេីលទៅ បានជាគ្មានចំណាត់ការ ព្រមទាំងបើកដៃឲ្យទីតាំងខាងលើនេះលេងល្បែងស៊ីសងភ្នាល់ចាក់ប្រដាល់ស្រែកហូរតាមអំពើចិត្តបែបនេះ។
ទីតាំងល្បែងស៊ីសងចាក់ភ្នាល់ប្រដាល់នេះ ហាក់បីដូចជាផ្គើនទៅនឹងអនុសាសន៍របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលបានដាក់បទបញ្ជាយ៉ាងម៉ឺងម៉ាត់ ដល់អាជ្ញាធរមូលដ្ឋានទាំងអស់ ត្រូវលុបបំបាត់ទីតាំង ល្បែងស៊ីសង ចាក់ភ្នាល់លុយកាក់ ឲ្យអស់ពីមូលដ្ឋានរបស់ខ្លួន ដើម្បីរួមចំណែកកាត់បន្ថយបទល្មើសក្នុងមូលដ្ឋានអោយមានប្រសិទ្ធិភាព។
ពលរដ្ឋសំណូមពរ ដល់ លោក ជា ពីសី អភិបាលនៃគណៈអភិបាលខណ្ឌឬស្សីកែវ សូមជួយបង្ក្រាបទីតាំងល្បែងចាក់ភ្នាល់ប្រដាល់តាមទូរទស្សន៍ ទីតាំងខាងលើនេះផង ដើម្បីរួមចំណែកជាមួយរាជរដ្ឋាភិបាលក្នុងការកាត់បន្ថយឲ្យបាននូវបទល្មើសផ្សេងៗនៅក្នុងសង្គម៕
(ដោយ គេហទំព័រ កម្ពុជា អភិវឌ្ឍន៍)
www.Kap-news.com
077797952/0887797952
WhatsApp=012680455
