មណ្ឌលគិរី ៖ ករណីអំពើហឹង្សាមួយកើតឡើង នៅចំនុច ភូមិ ហ្គាទី ឃុំស្រែព្រះ ស្រុកកែវសីមា មណ្ឌលគិរី បង្កឡើងដោយប្ដី ជាជនដៃដល់ឈ្មោះ ណាក់ ប្រុស អាយុ ជាង៣០ឆ្នាំ ជនជាតិព្នង កើតនៅភូមិអូររណា ឃុំស្រែខ្ទុម កែវសីមា មណ្ឌលគិរី បានយកដងកំបិតខ្វែវ ចាក់ចំត្រង់ពោះជាច្រើនកន្លែង លើប្រពន្ធឈ្មោះ វី ស្រី ៣០ឆ្នាំ ជនជាតិ ខ្មែរ កើតនៅភូមិសម្រង ឃុំឃ្សឹម ស្រុកស្នួល ខេត្ត ក្រចេះ ដែលបណ្ដាលអោយប្រពន្ធកំពុងមានផ្ទៃពោះ៦ ខែ ឈឺចុកចាប់យ៉ាងខ្លាំង ។
ក្រោយពីបង្កហេតុ ខាងជនដៃដលរត់គេចខ្លួនបាត់ ខាងជនរងគ្រោះត្រូវបាន សមត្ថកិច្ចនគរបាល ជួយដឹកជញ្ជូនយកមកសង្គ្រោះបន្ទាន់នៅមណ្ឌលសុខភាព អូរអាម ស្រុកកែវសីមា។
ក្រោយពីការជួយសង្គ្រោះពី គ្រូពេទ្យ ជនរងគ្រោះ ជាប្រពន្ធបានមានអាការៈប្រសើឡើងហើយ ចំណែកឯជនដៃដល់ ត្រូវបានសមត្ថកិច្ចកំពុងដុតដៃដុតជើង ដើម្បីចាប់យកជនដៃដល់ជាប្តី មកផ្តន្ទាទោសតាមច្បាប់ ៕
