មណ្ឌលគិរី ៖ ប្រជាពលរដ្ឋនៅភូមិ ពូលុ ឃុំបូស្រា ស្រុកពេជ្រាដាខេត្ត មណ្ឌលគីរី បានមកជួបជុំគ្នា នៅព្រឹកថ្ងៃទី៨ខែធ្នូ ឆ្នាំ២០១៥ វេលាម៉ោង ៧ ព្រឹក ដើម្បីពិនិត្យឈ្មោះ និង បញ្ជីឈ្មោះក្បាលដី ដែល ពួកគាត់បាន ដាក់ពាក្យស្នើសុំកាន់កាប់ដីធ្លី ស្របច្បាប់ពីគោលការណ៍ ដីសម្បទានសង្គមកិច្ច ពីរាជរដ្ឋាភិបាល ដាក់គោលការណ៍អោយប្រជាពលរដ្ឋដែលមិនទានមានដីកាន់កាប់។ សំរាប់ដីដែល ត្រូវបានចែកជូនប្រជាជននៅទីនោះ មាន ចំនួន១៩៩ គ្រួសារ ដែលបានដាក់ពាក្យស្នើសុំដីជាកម្មសិទ្ធិខ្លួន ហើយក្នុងមួយគ្រួសារ ត្រូវកំនត់តាមច្បាប់ គឺទទួលបានដី ៥ ហិកតា មានដីភូមិ សំរាប់សាងសងលំនៅស្ថាន នឹង ដីចំការសំរាប់ប្រកបរបរដាំដុះ ។
សំរាប់ការមកជួបជុំនៅព្រឹកនេះ ខាងសារព័ត៌មានយើង បានធ្វើការសុំសំភាសន៍ ពី ផលអវិជ្ជមាន មួយចំនួនធំទាក់ទងរឿងដី ខ្លះអ្នកដែល ដាក់ ពាក្យស្នើសុំ ចំនួន១៩៩គ្រួសារ តែជាក់ស្តែង គឺឃើញមានឈ្មោះ សុំកម្មសិទ្ធិតែចំនួន២៦ គ្រួសារប៉ុណ្ណោះ ។ នេះជាហេតុដែលធ្វើអោយ ពួកគាត់កើតទុកមិនសុខចិត្ត ហើយសុំការជួយដោះស្រាយពី ក្រសួង ស្ថាប័នរដ្ឋ ក៏ដូចសម្តេចអគ្គសេនាបតី ហ៊ុន សែន មេត្តាជួយ ដោះស្រាយអោយពួកគាត់ផង ។ ខណៈដែលក្រុមកាងារ ខេត្តចុះទៅពិនិត្យនិងធ្វើការវាស់វែងសំរាប់ដីដែលបានសំអាតហើយ និង ដីដែលមានដំណាំ ស្រេច ដែលប្រជាជនតាំងទីលំនៅមកជាយូរមកហើយនោះ ខាង លោក សុះ មីឡែន ដែលជាតំណាងប្រជាពលរដ្ឋនៅភូមិ ពូលុ មិនអាចសុំការបំភ្លឺបន្ថែមបាន ៕
ដោយ ៖ ចិន្ដា កម្ពុជាអភិវឌ្ឍន៍
