មណ្ឌលគិរី ៖ តាមប្រភពបានអោយដឹងថា ៖ នៅវេលាម៉ោង៨និង៣៥នាទី កម្លាំងចម្រុះបានស្ទាក់ចាប់រថយន្ត២គ្រឿងជាប្រភេទរថយន្តកែច្នៃ១គ្រឿង និងត្រាក់ទ័រ១គ្រឿង ដឹកជញ្ជូនឈើប្រណីតប្រភេទសុក្រំ និងធ្នង់ចំនួន២៤ដុំ មុខធំៗ។
ជនសង្ស័យដែលត្រូវឃាត់ខ្លួនមានទី១ឈ្មោះសុឃាង អាយុ២៣ឆ្នាំ ភេទប្រុស, ទី២ឈ្មោះរី ចាន់រដ្ឋ អាយុ១៥ឆ្នាំ ភេទប្រុស និងទី៣ឈ្មោះក្រឹម ស្នា ភេទប្រុស អាយុ៣៥ឆ្នាំ អ្នកទាំង៣ជាជនជាតិខ្មែរ។
ចំណែក២នាក់ទៀតជាជនជាតិវៀតណាមមានទី១ឈ្មោះ ចិន ហុង ភេទប្រុស អាយុ៣៥ឆ្នាំ រស់នៅភូមិទី១ ឃុំទៀនហ៊ឹង ស្រុកប៊ូជូប ខេត្តប៉ិញភឿក និងទី២ឈ្មោះលឿង វ៉ាន់យុយ ភេទប្រុស អាយុ២២ឆ្នាំ រស់នៅភូមិទី១ ឃុំទៀនហ៊ឹង ស្រុកប៊ូដូប ខេត្តប៉ិញភឿក។កងកំលាំងយាមត្បាតបាន ស្ទាក់ចាប់បាននៅពេលដែលកំពុងដឹកជញ្ជូនឈើនៅចំណុចផ្លូវបំបែក ស្ថិតនៅក្នុងភូមិបក់ចារ ឃុំស្រែកឈូក ស្រុកកែវសីមា ខេត្តមណ្ឌលគិរី។
បច្ចុប្បន្នមនុស្សទាំង៥ត្រូវបានឃាត់ខ្លួនទុកនៅអធិការដ្ឋានស្រុកកែវសីមារង់ចាំបញ្ជូនសុំណុំរឿងមកតុលាការដោះស្រាយតាមផ្លូវច្បាប់៕
ដោយ÷ចិន្ដា កម្ពុជាអភិវឌ្ឍន៍
