ខេត្តបាត់ដំបង ៖ លោក ច័ន្ទ សុផល អភិបាលខេត្តរើសសំរាមសំអាតបរិស្ថានក្រុងបាត់ដំបងនៅថ្ងៃឈប់់សំរាក ដើម្បីការពារសុខភាពប្រជាពលរដ្ឋទូទៅនិងការពារប័ណ្ណសសើរជ័យលាភីទីក្រុងស្អាតផ្ការំដួល៣ទងដែលមានការចូលរួមពីសិស្សមណ្ឌលសហគមន៍មនុស្សធម៌ដើម្បីអប់រំជាច្រើននាក់នៅព្រឹកថ្ងៃទី៦ខែធ្នូឆ្នាំ២០១៥។
លោក ថន វាសនា ប្រធានមណ្ឌលសហគមន៍មនុស្សធម៌ដើម្បីអប់រំបានអោយដឹងថា មណ្ឌលសហគមន៍មនុស្សធម៌ ដើម្បីអប់រំមានទីតាំងភូមិក្រឡាញ់ ឃុំកំពង់ព្រះ ស្រុកសង្កែ ខេត្តបាត់ដំបង ។ មានថ្នាក់រៀនពីថ្នាក់ទី១ ដល់ទី៦ មានសិស្ស២៣៥ ក្នុងនោះស្រី១៤២នាក់ ហើយសិស្សមានសិស្សក្រីក្រសិស្សគ្មានអាណាព្យាបាល និងសិស្សងាយរងគ្រោះ ។
រាល់ថ្ងៃឈប់សំរាក សិស្សត្រូវបានចូលរួមរើសសំរាមសំអាតទីក្រុង ដើម្បីរួមចំណែកអភិវឌ្ឍន៍ទីក្រុងអោយមានសោភ័ណ្ឌភាព និងអោយប្រជាពលរដ្ឋធ្លាប់ចោលសំរាមគ្មានសណ្តាប់ធ្នាប់យកចិតទុកដាក់យកសំរាមដាក់ក្នុងធុងសំរាមវិញ ។
លោក ច័ន្ទ សុផល អភិបាលខេត្តបាត់ដំបងអំពាវនាវដល់ប្រជាពលរដ្ឋនិងមន្ត្រីរាជការចូលរួមសំអាតបរិស្ថានទាំងអស់គ្នាដើម្បីការពារសុខភាពនិងដើម្បីរួមចំណែកអភិវឌ្ឍន៍ទីក្រុងស្អាតឲ្យសំការទទួលពានរង្វាន់ផ្ការំដួល៣ទងឈ្នះការប្រឡងទីក្រុងស្អាតរបស់ក្រុងបាត់ដំបង ៕
តន់ប៊ុនថេត
