មណ្ឌលគីរី ៖ នៅសាលប្រជុំតំបន់ប្រតិបត្តិការសឹករងមណ្ឌលគិរី ព្រឹកថ្ងៃទី២ ធ្នូ ២០១៥ មានរៀបចំពិធីបូកសរុបលទ្ឋផលការងារហ្វឹកហ្វឺនបញ្ចប់វគ្គបំប៉នពង្រឹងរៀបរយ ក្រោមអធិបតីភាពលោកឧត្តមសេនីយ៏ទោ លី សូរ៉ារឹទ្ឋ មេបញ្ជាការរងយោធភូមិភាគទី១ លោកស្វាយ សំអ៊ាង អភិបាលរងខេត្ត លោកឧត្តមសេនីយ៏ត្រី ឃិន ម៉េងស្រេង មេបញ្ជាការតំបន់ប្រតិបត្តិការសឹករងមណ្ឌលគិរី ព្រមទាំងលោកព្រះរាជអាជ្ញារសាលាដំបូងខេត្ត នឹងស្នងការរង មេបញ្ជាការរងរាជអាវុធហត្ថខេត្ត នាយទាហាន នាយទាហានរង នឹងពលទាហានដែលជាសិក្ខាកាមប្រមាណជាង១០០នាក់។
លោកវរសេនីយ៏ឯក ព្រាប វុត្ថា នាយសេនាធិការស្តីទីតំបន់ប្រតិបត្តិការសឹករងមណ្ឌលគិរីបានឡើងថ្លែងសារស្វាគមន៏ដល់អង្គពិធីនឹងអានរបាយការស្តីពី លទ្ឋផលការងារហ្វឹកហ្វឺនបញ្ចប់វគ្គបំប៉នពង្រឹងរៀបរយ ដែលបានអនុវត្តន៏អស់រយៈពេល៤៥ថ្ងៃ នៅវរសេនាតូចអន្តរាគមន៏លេខ១ ។
នាពិធីខាងលើលោកឧត្តមសេនីយ៏ត្រី ឃិន ម៉េងស្រេង មេបញ្ជាការតំបន់ប្រតិបត្តិការសឹករងមណ្ឌលគិរីមានប្រសាសន៏ថា ក្រោយពីបានទទួលផែនការហ្វឹកហ្វឺនពីថ្នាក់លើតំបន់ប្រតិបត្តិការសឹករងមណ្ឌលគិរី បានចាត់តាំងនឹងរៀបចំការងារហ្វឹកហ្វឺនវគ្គបំប៉នពង្រឹងរៀបរយ តាមផែនការកំណត់យកពេលវេលារៀនសូត្រ មួយសប្តាហ៏ប្រាំថ្ងៃ ក្នុងមួយថ្ងៃរៀនប្រាំបីម៉ោង ព្រឹកបួនម៉ោង ល្ងាចបួនម៉ោង ។លោកបញ្ជាការយោធាខេត្តបានបន្តថា សិក្ខាកាមដែលបានទទួលវគ្គសិក្សាបំប៉នរៀបរយសរុបចំនួន១៣០នាក់ គ្រូឧទ្ទេសនាមចំនួន១៥នាក់ ហើយក្នុងវគ្គសិក្សានេះ ក៏មានចាត់តាំងធ្វើផែនការយុទ្ឋដំនើរទ័ព ដែលមានចម្ងាយ២០គីឡូម៉ែត្រ ដោយប្រើរយៈពេលមួយថ្ងៃ។
ចំពោះមេរៀនដែលបានរៀនសូត្រទៅតាមផែនការនឹងកាលវិភាគមាន ចំនេះដឹងយោធារួម ហ្វឹកហ្វឺនបាន ចំនួន១៣ ថ្ងៃ ស្មើរ៩១ ម៉ោង បច្ចេកទេសអាវុធថ្មើរជើង ហ្វឹកហ្វឺនបាន ចំនួន៤ ថ្ងៃ ស្មើរ២៨ ម៉ោង យុទ្ឋវិធីថ្មើរជើង ហ្វឹកហ្វឺនបាន ចំនួន៧ ថ្ងៃ ស្មើរ៤៩ ម៉ោង អប់រំចិត្តសាស្ត្រ ហ្វឹកហ្វឺនបាន ចំនួន៤ ថ្ងៃ ស្មើរ២៨ ម៉ោង។ការត្រួតពិនិត្យប្រឡងមេរៀនបញ្ចប់វគ្គ បានចំនួន១២៧នាក់ នឹង៣នាកើទៀតមានជម្ងឺសម្រាកពេទ្យ មិនបានចូលរួមប្រឡង ហើយក្នុងនោះមាន ពិន្ទុល្អ ចំនួន ៣០នាក់ ពិន្ទុល្អបង្គួរ ៥៥នាក់ ពិន្ទុមធ្យម ៤២នាក់ នឹងមិនជាប់តាមសំណូមពរ ៣នាក់។
លោកឧត្តមសេនីយ៏ទោ លី សូរ៉ារិទ្ឋ មេបញ្ជាការរងយោធភូមិភាគទី១ នឹងលោកស្វាយ សំអ៊ាង អភិបាលរងខេត្ត បានថ្លែងកោតសសើរដល់មេបញ្ជាការតំបន់ប្រតិបត្តិការសឹករងមណ្ឌលគិរី ដែលបានយកចិត្តទុកដាក់អនុវត្តន៏នូវការពង្រឹង ចំនេះដឹងដល់នាយទាហាន នាយទាហានរង ពលទាហាន ឲ្យមានជំនាញច្បាស់លាស់ ដែលជាការចូលរួមចំណែកកសាងប្រទេសជាតិ។ព្រោះថា កងទ័ពមិនមែនចេះតែបាញ់កាំភ្លើងហើយហៅថា កងទ័ពនោះទេ កងទ័ពត្រូវមានជំនាញនឹងចំនេះគួបផ្សំ ទើបអាចការពារជាតិបូរណភាពទឹកដី ពីសត្រូវឈ្លានពាននានា។
ក្នុងឱកាសនោះដែលគណៈអភិបាលខេត្តមណ្ឌលគិរី បានឧបត្តមដល់តំបន់ប្រតិបត្តិការសឹករងមណ្ឌលគិរីចំនូន១លានរៀល ដើម្បីចាត់ចែងលើការសក្សារៀនសូត្ររបស់យោធាក្នុងតំបន់ប្រតិបត្តិការ៕
សាយ ករុណា
