ប៉ៃលិន ៖ ប្រជាពលរដ្ឋចំនួន ១៤៥គ្រួសារ នៅក្នុងចំណោម ២៧៥គ្រួសារ ដែលស្ម័គ្រចិត្ត ចេញពីសំណង់អនាធិបតេយ្យ សម្បុកចាប ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ទៅរស់នៅលើដីថ្មី ក្បែរផ្លូវ ជាតិលេខ ១០ចាស់ ស្ថិតក្នុង ភូមិផ្សារព្រំ ដែលអាជ្ញាធរ រៀបចំទិញដីវាស់ជាឡូត៍ជូន ពួកគាត់ រហូតមកដល់ថ្ងៃទី ០៣ ខែវិច្ឆិកា ពួកគាត់ទទួល បានប្លង់រឹងជាកម្មសិទ្ធិរបស់ ខ្លួនហើយ ដោយមានការ សប្បាយរីករាយក្នុងចិត្តយ៉ាង ខ្លាំងហើយ ក៏នាំគ្នាសស្រាក់ សស្រាំចាប់ផ្តើមសាងសង់ផ្ទះ រៀងៗខ្លួននៅលើដីថ្មីដែល ម្នាក់ទទួលបានទទឹង ៥ម៉ែត្រ បណ្តោយ ១៦ម៉ែត្រ ។
លោក ចាវ ខាន់ នាយក រងរដ្ឋបាលសាលាខេត្ត និងជា ប្រធានគណៈកម្មការរៀបចំ ដោះស្រាយទំនាស់ដីធ្លីបានឱ្យ ដឹងថា ខាងអាជ្ញាធរមូលដ្ឋាន ក៏ដូចជា គណៈកម្មការរៀបចំ ដោះស្រាយទំនាស់ដីធ្លីបានឱ្យ ខាងមន្ទីរសុរិយោដីធ្វើប្លង់រឹង ជូនពួកគាត់រួចរាល់ជាបណ្តើរៗ អស់ហើយ ខណៈមករស់នៅ លើដីថ្មីហើយក៏មិនមានការ បង្ខិតបង្ខំបងប្អូនប្រជាពលរដ្ឋ ណាម្នាក់ឱ្យចាកចេញពីចំណុច សម្បុកចាបដែលសាងសង់ផ្ទះ សម្បែងអនាធិបតេយ្យនោះ ដែរ គឺពួកគាត់ មានការយល់ ដឹងសុខចិត្តទទួលយកអ្វីដែល អាជ្ញាធរបានណែនាំប្រាប់ពួក គាត់ពីបញ្ហាប្រឈមនៅថ្ងៃ ខាងមុខ ទើបនាំគ្នាមកទទួល យកដីថ្មី ព្រោះអាជ្ញាធរបានរៀបចំឱ្យមានប្លង់ដីស្របច្បាប់ មានប្រព័ន្ធទឹក ភ្លើងអគ្គិសនី សាលារៀននិងផ្សារប្រកប របរលក់ដូរថែមទៀតផង ។
ការរស់នៅកន្លែងចង្អៀត គ្មានប្រព័ន្ធ ទឹក ភ្លើងនិងគ្មាន ផ្លូវសម្រាប់ធ្វើដំណើរចូលទៅ ទីនោះមិនស្រួលឡើយ ហើយ បើសិនជាមានអគ្គិភ័យកើត ឡើងវិញនោះនឹងមានការលំ បាកយ៉ាងខ្លាំងក្នុងការយក រថយន្តចូលទៅជួយពន្លត់ ។
ម្យ៉ាងវិញទៀត ត្រង់កន្លែងចាស់ជាទីដែលងាយ ស្រួលដល់ក្រុមឱកាសនិយម ពួកអ្នកប្រើប្រាស់និងជួញដូរ ថ្នាំញៀនផងដែរ ។ លើសពី នេះទៅទៀតដោយសារតែ គណៈកម្មការរៀបចំដីធ្លីទាំង អស់មានការស្រុះស្រួលគ្នាល្អ ក្នុងការ រៀបចំគម្រោងនេះ ទើបទទួលបានជោគជ័យ ហើយខាងលោកនឹងខំពន្យល់ ដល់ពួកគាត់អោយយល់ថា ប្រទេសរបស់ យើងជានីតិរដ្ឋ គឺម្នាក់ៗរស់ក្រោមច្បាប់ ។
ប្រជាពលរដ្ឋពិតជាសប្បាយរីករាយក្នុងចិត្តយ៉ាង ខ្លាំងនូវអ្វីដែលអាជ្ញាធរខេត្ត បានរៀបចំទិញដីថ្មីឱ្យ ព្រោះ កន្លែងចាស់មានភាពចង្អៀត ហើយក៏ឧស្សាហ៍កើតរោគា ផ្សេងៗជាញឹកញាប់ ។ លុះ មករស់នៅកន្លែងថ្មីដែល ស្រឡះល្អមានខ្យល់អាកាស បរិសុទ្ធមានផ្សារ មានសាលា បុណ្យ មន្ទីរពេទ្យ សាលារៀន ភ្លើងអគ្គិសនី ប្រព័ន្ធទឹកស្អាត ថែមទាំងរៀបចំធ្វើប្លង់ជាកម្ម សិទ្ធិផ្ទាល់ខ្លួនទៀតនោះ កាន់ តែស្រួលមែនទែន ។
ពួកគាត់ក៏សំណូមពរឱ្យ បងប្អូនប្រជាពលរដ្ឋដែលនៅ សេសសល់ប្រហែល ៣០ទៅ ៤០ភាគរយគិតសាជាថ្មីឡើង វិញ ព្រោះខាងអាជ្ញាធរកំពុង តែដោះស្រាយជូនពួកយើង គ្រប់ៗគ្នាឱ្យមានដីជាកម្មសិទ្ធិ ផ្ទាល់ខ្លួនមិនរស់នៅបែបអនា ធិបតេយ្យទៀតទេ ៕
