ខេត្តរតនគិរី ៖ រថយន្តយីឌុបមួយគ្រឿងហ៊ានដឹកឈើប្រណឹតប្រភេទធ្នុងពេញប្រៀបតែម្តង បំណងឆ្ពោះទៅប្រទេសវៀតណាមតែត្រូវរាំងស្ទះទៅវិញ ដោយសារការរំខានពីសមត្ថកិច្ចគយ ចលត័និងកងរាជអាវុធហត្ថផ្ទៃប្រទេស់ធ្វើការបង្ក្រាបភ្លាមៗនៅច្រកទ្វារអន្តរជាតិអូរយាដាវហៀបនិងឆ្លងផុត់ទៅហើយនាវេលាម៉ោង០៩.៣០នាទីយប់ថ្ងៃទី២៥ខែវិច្ឆិការឆ្នាំ២០១៥។
ឈើប្រណិតដែលគយបង្ក្រាបនោះសុទ្ធសឹងជាឈើប្រណិតប្រភេទធ្នុងដែលមានមុខកាត់ចំរុះបន្ទះនិងដុំដឹកតាមរថយន្តយីឌុបពណ៌ខៀវពាក់ស្លាកលេខត្បូូងឃ្មុំ៣A០០៥៣ ។ ប៉ុន្តែពេលបង្ក្រាបអ្នកបើកបរបានរត់គេចខ្លួនភ្លាមៗ មិនមានប្រភពណាមួយច្បាស់លាស់ថាជារបស់អ្នកណាឡើយ។
លោក ព្រាប គារ៉ាត ប្រធានក្រុមបង្ក្រាបនិងចំនួយកានាយកកដ្ឋានគយបានឱ្យដឹងថា ដោយសាររថយន្តដឹកឈើមួយគ្រឿងនេះពុំមានលិខិតអនុញ្ញាត្តិឱ្យដឹកជញ្ជូនពីស្ថាបន័គយទើបកំលាំងរបស់លោកសហការកំលាំងផ្ទៃប្រទេស់និងកំលាំងច្រកទ្វារបង្ក្រាបតែម្តង។
យោងតាមប្រភពបានឱ្យដឹងថា រថយន្តដឹកឈើប្រណិតនេះចេញពីព្រៃ ក្នុងស្រុកលំផាត់ហើយក៏ធ្លាប់ចេញជាច្រើនគ្រឿងមកហើយប៉ុន្តែមិនដែលមានសម្ត្ថកិច្ចណាមួយហ៊ានបង្ក្រាបនោះទេទើបតែកំលាំងចលត័របស់គយនិងកងរាជអាវុធហត្ថនេះប៉ុណ្ណោះដែលហ៊ានបង្ក្រប់យកស្នាដៃ។
តាមប្រភពមួយទៀតបានបង្ហើបថា រថយន្តមួយគ្រឿនេះគឺបានរត់ការគ្រប់សមត្ថកិច្ច តាមលំដាប់ថ្នាក់ក្នុងខេត្តនេះអស់ហើយនៅតែកំលាំងមួយនេះប៉ុនណ្ណោះមិនបានរត់ការគឺបង្ក្រាបតែម្តងដើម្បីឱ្យស្គាល់។ បើពុំដូច្នុះទេរថយន្តនោះមិនអាចទៅរហូតជិតផុតព្រុំដែនទៅហើយនោះទេ។
ក្នុងពេលបង្ក្រាប មិនឃើញសមត្ថកិច្ចក្នុងខេត្តណាមួយចេញមុខសហការនោះទេ ហើយរថយន្ត និងវត្ថុតាងត្រូវបានរក្សារទុកនៅទីធ្លាសាខាគយ និងរដ្ឋកខេត្តធ្វើកំណត់ហេតុជូនថ្នាក់លើចាត់ការ តាមផ្លូវច្បាប់ ៕
(ណាតពៅ)
