នៅព្រឹកថ្ងៃទី ៨ ខែ កក្កដា ឆ្នាំ ២០១៩ អនុវត្តតាមមតិណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ម៉ង់ ស៊ី មេបញ្ជាការវរសេនាតូចនគរបាល ការពារព្រំដែនគោក លេខ ៨១៩ ស្ថិតនៅស្រុកកំរៀង ខេត្តបាត់ដំបង បានដឹកនាំកងកម្លាំងក្នុងអង្គភាពនាំយកអំណោយដែលជាការចូលរួមចែករំលែករបស់កងកម្លាំងនគរបាលទៅប្រគល់ជូនប្រជាពលរដ្ឋដែលមានជីវភាពខ្វះខាតកំពង់រស់នៅមូលដ្ឋាន ចំនួន០៣គ្រួសារ ដែលក្នុងនោះមាន៖
១-គ្រួសារលោកយាយ ណិល យៀត អាយុ ៦៣ឆ្នាំ មានទីលំនៅភូមិល្វាទេ ឃុំត្រាង ស្រុក កំរៀង កំពុងមានជម្ងឺទទួលបានថវិកាចំនួន៥០០,០០០រៀល(ហាសិបម៉ឺនរៀល )អង្កចំនួន៥០គីឡូក្រាម មីចំនួន០២កេសទឹកផ្លែឈើចំនួន០១យួរ។
២-គ្រួសារលោក យាយព្រំ ហុន អាយុ ៦៦ ឆ្នាំនិងគ្រួសារលោកយាយ ព្រំ ហុង អាយុ ៦៩ ឆ្នាំ មានទីលំនៅភូមិតាសែន ឃុំត្រាង ស្រុក កំរៀង ខេត្តបាត់ដំបង។ ទាំងពីរគ្រួសារនេះក្នុងមួយគ្រួសារទទួលបានថវិកាចំនួន ៣០០ ,០០០រៀល(សាមសិបម៉ឺនរៀល)អង្កចំនួន ៥០គីឡូក្រាម ទឹកផ្លែឈើចំនួន០១យួរ មីចំនួន ០១ កេះតូច ។
ប្រជាពលរដ្ឋទាំងបីគ្រួសារបានសម្តែងនូវទឹកចិត្តរីករាយក្នុងពេលដែលទទួលបាននូវអំណោយដែលជាការចែករំលែករបស់កងកម្លាំងនគរបាលចំពោះការខ្វះខាតជីវភាពប្រចាំថ្ងៃរបស់ពួកគាត់ដែលរស់នៅក្នុងមូលដ្ឋាន ៕
(រូបភាពនគរបាលវរៈព្រំដែនគោកលេខ៨១៩)
