កំពង់ចាម ៖នៅព្រឹកថ្ងៃចន្ទ ៧កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៨ ខែកក្កដា ឆ្នាំ២០១៩ នេះ ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជេីញជាគណ:អធិបតីភាព ក្នុងការអបអរសាទរ និងចែករង្វាន់លើកទឹកចិត្តដល់សិស្សពូកែ កីឡាករមានស្នាដៃល្អ ក្នុងការប្រកួតកីឡាជាតិ លើកទី១ ឆ្នាំ២០១៩ និងកីឡាករតេក្វាន់ដូ ដែលរៀបចំដោយមន្ទីរអប់រំ យុវជន និងកីឡា ខេត្តកំពង់ចាម ។
ឯកឧត្ដម អ៊ុន ចាន់ដា អភិបាលខេត្តកំពង់ចាម បានលើកឡើងថា ការអបអរសាទរ និងលើកទឹកចិត្ត ចំពោះ ប្អូនៗ ក្មួយៗ ជាសិស្សានុសិស្ស ដែលបានខិតខំយកចិត្តទុកដាក់ ខិតខំសិក្សារៀនសូត្ររហូតបានពូកែ និងខិតខំប្រឹងប្រែងបញ្ចេញ នៅទេពកោសល្យ និងបច្ចេកទេស រហូតដណ្តើមបានជ័យលាភី និងមេដាយ ជូនដល់សាលា ជាពិសេសជូនខេត្តកំពង់ចាម យើងទាំងមូល ផងដែរ ៕
