បាត់ដំបង ៖ លោក សៅ ប៊ុនរិទ្ធ ជាប្រធាននគរបាលអន្តោប្រវេសន៍ច្រកទ្វាអន្តរជាតិដូង អង្គុយលើច្បាប់បំពានច្បាប់បានធ្វើប័ណ្ណបរិផាសBorder Passអោយប្រជាពលករ ឆ្លងដែនទៅប្រទេសថៃ បំពានអនុក្រិត៦៨របស់រាជរដ្ឋាភិបាល កិបកេងជិះជាន់កម្លាំងញើសឈាមពលករ ដោយយកកម្រៃចាប់ពី៧ម៉ឺនរៀលដល់៣០ម៉ឺនរៀល ខុសពីបំណងនិងគោលការណ៍ថ្មី របស់ប្រមុខរាជរដ្ឋាភិបាលកំពុងយកចិត្តទុកដាក់ដល់ពលករចំណាកស្រុកដោយ ធ្វើប៉ាស្ព័រក្នុងតម្លៃទាប ។ ច្រកអន្តរជាតិដូងស្ថិតក្នុងភូមិដូងឃុំបឹងរាំងស្រុកកំរៀងខេត្ត បាត់ដំបង។
តាមការអោយដឹងលោក សៅ ប៊ុនរិទ្ធ ប្រធាននគរបាលអន្តោប្រវេសច្រកអន្តរជាតិដូង បានយកប្រាក់ថ្លៃប័ណ្ណបរិផាសឆ្លងដែន ពីប្រជាពលករធ្វើសំរាប់ឆ្លងដែនទៅប្រទេសថៃ ច្រើនលើសកំណត់ចាប់ពី៧ម៉ឺនរៀលដល់៣០ម៉ឺនរៀលដែលប័ណ្ណមានសុពលភាព រយៈពេល១សប្តាហ៍ហើយបើដល់ថ្ងៃកំណត់មកបន្តម្តងអស់២ពាន់រៀលក្នុង ១សប្តាហ៍ ។ ចំពោះពលករខ្មែរជាច្រើនរយនាក់ក្នុងមួយថ្ងៃៗ ដែលមកពីបណ្ដាខេត្តផ្សងៗ ធ្វើលិខិត្តឆ្លងដែនទៅរកការងារធ្វើនៅប្រទេសថៃ.ដូចជា.ស្វាយរៀង. កំពងចាម.ព្រៃវែង.តាកែវ។ល។ តាមការកំណត់របស់ក្រសួងមហាផ្ទៃក្នុងសៀវភៅបន្ទុក ជាគោលការណ៍ធ្វើប័ណ្ណម្នាក់យកតម្លៃ ៣៥.០០០ រៀល។
យោងតាមអនុក្រិត្យលេខ ៦៨ អនក្រ.បក.ចុះថ្ងៃទី១៦ ខែតុលា ឆ្នាំ២០០៣ ស្តីពីការប្រើប្រាស់ប័ណ្ណឆ្លងដែននៅតាមច្រកទ្វារព្រំដែននានា របស់ព្រះរាជាណាចក្រកម្ពុជា ប្រមុខរាជរដ្ឋាភិបាលការចេញប័ណ្ណឆ្លងដែនអោយពលរដ្ឋខ្មែរទៅប្រទេសថៃ បានលុះត្រាពលរដ្ឋទាំងនោះរស់នៅស្រុកខេត្តជាប់ព្រំដែន ។ ក្នុងមាត្រា៣ ៖ បានចែងថាប្រជាពលរដ្ឋខ្មែរប្រើប្រាស់បណ្ណ័ឆ្លងដែន អាចធ្វើដំណើរពីខេត្តជាប់ព្រំដែន នៃព្រះរាជាណាចក្រកម្ពុជាចូលទៅខេត្តជាប់ព្រំដែនដែលទល់មុខគ្នានៃ ព្រះរាជាណាចក្រថៃ ជំហានដំបូង ប្រជាពលរដ្ឋខ្មែរប្រើប្រាស់ប័ណ្ណឆ្លងដែន អាចធ្វើដំណើរពីខេត្តបាត់ដំបងឆ្លងទៅស្រុករ៉ាក់យ៉ង ស្រុកពងណាំរ៉ងខេត្តច័ន្ទបូរី នៃព្រះរាជាណាចចក្រថៃ ចំពោះប្រជាពលរដ្ឋថៃអាចធ្វើដំណើរចេញមកខេត្តបាត់ដំបងប៉ៃលិន ។
មាត្រា៤ ៖ ប័ណ្ណឆ្លងដែនទាំងពីភេទ ដែលអនុញ្ញាតអោយប្រជាពលរដ្ឋខ្មែររស់នៅតាមខេត្ត.ក្រុង ជាប់ព្រំដែនថៃចូលស្នាក់នៅខេត្តនៃព្រះរាជាណាចក្រថៃ ដូចមានចែងក្នុងមាត្រា ៣ នៃអនុក្រិត្យនេះ មានរយៈពេលមិនលើសពី ០៧ (ប្រាំពីរ)ថ្ងៃ ។
ក្នុងមាត្រា៥ ៖ បណ្ណ័ឆ្លដែនពណ៌ខៀវ ដែលចេញឲ្យប្រើប្រាស់ដោយអភិបាលខេត្ត.ក្រុង មានតម្លៃ២០(ម្ភៃពាន់)រៀល មានសុពលភាព០២ឆ្នាំ និងអាចពន្យារពេលប្រើប្រាស់បាន០២ឆ្នាំទៀត ។
ប័ណ្ណឆ្លងដែនពណ៏លឿង ដែលចេញឲ្យប្រើប្រាស់ដោយនាយនគរបាលអន្តោប្រវេសន៏ ឬនាយនគបាលព្រំដែនគោកមានតម្លៃ២០ពាន់(ម្ភៃពាន់)រៀល មានសុពលភាព០២ឆ្នាំនិងអាចពន្យាពេលប្រើប្រាស់បាន០២ឆ្នាំទៀត ។
ស្ត្រី២នាក់រស់នៅស្រុកបវេលបានអោយដឹងថា ពួកនាងអាយុ១៩ឆ្នាំ គ្មានអត្តសញ្ញាណប័ណ្ណបានមកធ្វើប័ណ្ណឆ្លងដែនទៅរកការងារនៅប្រទេសថៃ បានបង់ប្រាក់ក្នុង១នាក់ចំនួន១៦០០បាតប្រាក់ថៃស្មើចំនួន២០ម៉ឺន រៀល ប្រាក់ខ្មែរទើបបានប័ណ្ណឆ្លងដែននេះ។
ប្រភពពីប្រជាពលរដ្ឋផ្សេងថា មនុស្សមិនទាន់គ្រប់អាយុធ្វើប័ណ្ណឆ្លងដែនម្នាក់៧៥០០០រៀល(ប្រាំពីរ ម៉ឺនប្រាំពាន់រៀល) ចុះឈ្មោះកូនង៉ាម្នាក់ថែមទៀតត្រូវបង់អស់១៣០០០រៀលថែមទៀត(មួយម៉ឺន បីពាន់រៀល) ។ ចំពោះមនុស្សគ្រប់អាយុ និងមានអត្តសញ្ញាណប័ណ្ណបើធ្វើប័ណ្ណចាំយកភ្លាមតម្លៃ២៥០០បាតប្រាក់ ថៃគិតជាប្រាក់ខ្មែរ ៣០ម៉ឺនរៀល តែបើចាំ១ថ្ងៃយកតម្លៃក្នុង១នាក់ចំនួន១៦០០បាតប្រាក់ថៃស្មើ ចំនួន២០ម៉ឺនរៀលប្រាក់ខ្មែរ។
ពាក់ព័ន្ធករណីនេះ អ្នកសារព័ត៌មានទូរស័ព្ទទំនាក់ទំនងលោក សៅ ប៊ុនរិទ្ធ មិនចូលទេ ៕
