(ភ្នំពេញ)៖ លោក ឆាយ ធារិទ្ធ ចៅសង្កាត់ស្រះចក ដឹកនាំប្រជាពលរដ្ឋក្នុងសង្កាត់ស្រះចក
ហូបនំបញ្ចុកតេជោសន្ដិភាព នៅចំណុច វត្តវិមានតេជ ហៅវត្តស្រះចក ខណ្ឌដូនពេញ នៅព្រឹកថ្ងៃទី០៩ ខែមិថុនា ឆ្នាំ២០១៩នេះ បានរៀបចំពិធីហូបនំបញ្ចុកសាមគ្គីជាតិ ជាមួយមេភូមិ មេក្រុម ប្រជាពលរដ្ឋយ៉ាងច្រើនកុះករ និងប្រជាពលរដ្ឋនៅក្នុងសង្កា ត់ស្រះចក ខណ្ឌដូនពេញ រាជធានីភ្នំពេញ ដែលដាក់ចេញដោយប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន។
លោក ឆាយ ធារិទ្ធ បានថ្លែងប្រាប់អង្គភាព ព័ត៌មានកម្ពុជាអភិវឌ្ឍន៍ បែបនេះថា ដោយអនុវត្តតាមអនុសាសន៍របស់សម្ដេចតេជោ ហ៊ុន សែន សម្រាប់ សង្កាត់ស្រះចក លោកបានដឹកនាំមន្ដ្រីរាជការនិងប្រជាពលរដ្ឋនៅគ្រប់ភូមិទាំងអស់ក្នុងសង្កាត់អញ្ជើញចូលរួមពិធីហូបនំបញ្ចុកសាមគ្គី ក្រោមម្លប់សន្ដិភាពនៅថ្ងៃទី៩ខែមិថុនាឆ្នាំ២០១៩។
សូមជម្រាបថា ក្នុងពិធីចែកសញ្ញាបត្រដល់និស្សិតសាកលវិទ្យាល័យភូមិន្ទភ្នំពេញ កាលពីថ្ងៃទី០៣ ខែមិថុនា ឆ្នាំ២០១៩ សម្តេចតេជោ ហ៊ុន សែន ណែនាំដល់សមាជិក សមាជិកា គណបក្សប្រជាជនកម្ពុជាទាំងអស់ រួមគ្នារៀបចំកម្មវិធីហូបនំបញ្ចុក នៅថ្ងៃទី០៩ ខែមិថុនានេះ៕
ដោយ ហុក វិបុល
