(បន្ទាយមានជ័យ)៖ នៅព្រឹកថ្ងៃពុធ ៣កើត ខែជេស្ឋ ឆ្នាំកុរឯកស័ក ព.ស ២៥៦៣ ត្រូវនឹងថ្ងៃទី៥ ខែមិថុនា ឆ្នាំ២០១៩ លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ និងនាយទាហាន នាយទាហានរង នៃកងរាជអាវុធហត្ថជាច្រើនរូប បានអញ្ជើញចូលរួមក្នុងពិធីចុះសួរសុខទុក្ខ និងនាំយកអាវភ្លៀង ដែលជាអំណោយ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តល់ជូនកងកម្លាំងប្រដាប់អាវុធចំណុះទិសទី១ ខេត្តបន្ទាយមានជ័យរួមមាន៖ កងទ័ព,កងរាជអាវុធហត្ថ,កងរថក្រោះ, និងកងនគរបាលការពារព្រំដែន។
ពិធីនេះប្រារព្វឡើងនៅ នៅទីបញ្ជាការកងពលតូចថ្មើរជើងលេខ៥១ ស្ថិតនៅឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ ក្រោមធិបតីភាព ឯកឧត្ដម នាយឧត្ដមសេនីយ៍ គឹម ប៊ុនថាន អគ្គមេបញ្ជាការរង នៃកងយោធពលខេមរភូមិន្ទ៕
