យោងតាមផេក Child Protection Unit បានឲ្យដឹងថា ជនសង្ស័យទាំងពីរអ្នកទាក់ទងនឹងករណីរំលោភ និងសម្លាប់នៅខេត្តព្រះសីហនុ ពេលនេះត្រូវចាប់ខ្លួនបានហើយ ដែលបានរត់លាក់ខ្លួននៅខេត្តព្រៃវែង។
គួរបញ្ជាក់ផងដែរថា ឃាតកម្មនេះ ត្រូវគេដាក់ការសង្ស័យថា ជាករណីរំលោភសម្លាប់ បង្កឡើងដោយជនល្មើស ដែលគេបានសង្ស័យថា ជនល្មើសអាចធ្វើសកម្មភាពចាប់រំលោភកុមារីអាយុ ១០ឆ្នាំ បន្ទាប់មកធ្វើសកម្មភាពសម្លាប់ទាំងកុមារី និងកុមារជាប្អូនអាយុ ២ឆ្នាំកន្លះដែលកំពុងដេកនៅក្នុងផ្ទះជាមួយគ្នា។
សមត្ថកិច្ចបានឱ្យដឹងទៀតថា ក្មេងបុរសជាប្អូនបានស្លាប់ភ្លាមៗនៅក្នុងផ្ទះ ដោយក្មេងស្រីជាបងត្រូវបានក្រុមគ្រួសារព្យាយាមដឹកមកសង្គ្រោះរហូតដល់រាជធានីភ្នំពេញ តែមិនអាចជួយសង្គ្រោះជីវិត និងបានស្លាប់បាត់បង់ជីវិតនៅលើរថយន្តវេលាម៉ោង ៨យប់ថ្ងៃដដែលនោះ។
ដោយឡែក ថ្ងៃបូជាសពក្មេងស្រីទាំងពីរ ឃើញថាម្តាយសពក្មេងទាំងពីរ បានស្រែកយំឱបក្តាមឈូសកូនទាំងពីរ ជាមួយក្តីអាល័យជាពន់ពេក ដែលឃើញហើយពិតជាខ្លោចផ្សាររកពាក្យឈឺចាប់អ្វីមកថ្លាថ្លែងឲ្យត្រូវចំពោះទុក្ខសោកនៃការបាត់បង់កូនម្តងទាំងពីរបែបនេះ ៕
