ខេត្តបន្ទាយមានជ័យ ៖ នេះជាលើកទីមួយហើយនៅក្នុងទឹកដីក្រុងប៉ោយប៉ែតដែលប្រជាពលរដ្ឋទទឹងរងចាំ ខណៈដែលប្រជាពលរដ្ឋ ក៏ដូចជាម៉ូតូ រថយន្តកាន់តែកើនឡើងក្នុងមួយឆ្នាំទៅមួយឆ្នាំបង្កឲ្យមានការកកស្ទះជារៀងរាល់ថ្ងៃ។
ដោយលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានចំណាយថវិកាផ្ទាល់ខ្លួនទិញនូវភ្លើងស្តុបដែលមានតម្លៃរហូតទៅដល់២២,៥១០ដុល្លារអាមេរិក មកបំពាក់នៅលើផ្លូវជាតិលេខ៥ ដើម្បីកាត់បន្ថយនូវការកកស្ទះ ក៏ដូចជាការចូលរួមចំណែកអភិវឌ្ឍន៍ ដោយក្រោមដំបូលសន្តិភាពនៃការដឹកនាំ ដ៏ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
សូមជរាបដែរថា ការបំពាក់ភ្លើងស្តុបជាលើកទី១ នៅក្រុងប៉ោយប៉ែតនេះ បានធ្វើឡើងនារសៀលថ្ងៃអាទិត្យ ១៥រោច ខែពិសាខ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០២ ខែមិថុនា ឆ្នាំ២០១៩ នៅលើបណ្តោយផ្លូវជាតិលេខ៥ នៅចំណុចកែងផ្លូវក្បែរធនាគារ អេស៊ីលីដា ភីអិលស៊ី ស្ថិតនៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
សូមបញ្ជាក់ផងដែរថា ការចុះប្រតិបត្តិការរៀបចំដាក់បំពាក់ភ្លើងស្តុកនៅលើដងផ្លូវជាតិលេខ៥ ក្រុងប៉ោយប៉ែតនេះ ដោយក្រោមការដឹកនាំផ្ទាល់ពីលោក គាត់ ហុល អភិបាលនៃគណៈអភិបាលក្រុងប៉ោយប៉ែត៕
