បន្ទាយមានជ័យ ៖ ÷កាលពី ថ្ងៃ ០១ មិថុនា ឆ្នាំ២០១៩ អាជ្ញាធរខេត្តបន្ទាយមានជយ័ចុះសួរសុខទុក្ខប្រជាពលរដ្ឋចំនួន ៦គ្រួសារ នៅក្រុងប៉ោយប៉ែតដឹកនាំដោយឯកឧត្តម អ៊ុំ រាត្រី និងមន្ត្រីថ្នាក់ខេត្តបានប្រារព្វពិធីអបអរសាទរទិវាកុមារអន្តរជាតិ០១ មិថុនា ដែលរៀបចំឡើងគឺដើម្បីក្រើនរំលឹក និងបង្កើនការយកចិត្តទុកដាក់ចំពោះ កុមារទាំងអស់អោយមានជីវភាពរស់នៅអោយមានសុខភាពល្អនិងជាសចេញពីគ្រឿងញៀន។
ឯកឧត្តម អ៊ុំ រាត្រី និងលោកជំទាវ ភរិយាលោកក៏បានចូលរួមកម្មវិធីអបអសាទរ រៀបចំពិសារអាហារសាមគ្គីនិងសំណេះសំណាលសួរសុខទុក្ខ ក្មួយៗកុមារនៅមណ្ឌលអស់សង្ឃឹម២ ឯស្រុកមង្គលបូរី (ឧបត្ថម្ភដោយ លោកជំទាវឧកញ៉ា ម៉ៅ មាល័យ កែវ គឹមយ៉ាន) នៅ
នាវេលារសៀលនេះ ឯកឧត្តម អ៊ុំ រាត្រី ព្រមទាំងអភិបាលក្រុង ប៉ោយប៉ែត ក្រុមប្រឹក្សាក្រុង សង្កាត់~ភូមិ និងក្រុមការងារ យុវជន បានបន្តនាំយកអំណោយទៅទៅ ជូនដល់ប្រជាពលរដ្ឋចាស់ជរាខ្សត់ខ្សោយជីវភាព និងសំណេះសំណាល សួរសុខទុក្ខ ពុកម៉ែបងប្អូនប្រជាពលរដ្ឋ ទីទាល់ក្រគ្មានលំនៅដ្ឋានសមរម្យ ចំណាកស្រុកពីបណ្តាស្រុក ខេត្តផ្សេងៗកំពុងរស់នៅក្រុងប៉ោយប៉ែត ចំនួន ៦គ្រសារ ដែលក្នុងនោះក៍មានការជួយធ្វើផ្ទះជូន ចំនួន៤ខ្នង លើ៤គ្រួសារក្នុងភូមិចាន់គីរី ៣គ្រួសារ និងភូមិអូរឬស្សី១គ្រួសារ ដោយលោក តាន់ គឹមរិទ្ធ សមាជិកក្រុមប្រឹក្សាក្រុងប៉ោយប៉ែត និងមានការជួយឧបត្ថម្ភជាថវិកា ១០មឺនរៀល អង្ករ៥០គីឡូក្រាមក្នុង១ខែៗផងដែរ។
អំណោយនាំយកមកសួរសុខទុក្ខ៦គ្រួសារ ក្នុង១គ្រួសារៗ ថវិកា ២០មឺនរៀល .អង្ករ ៥០គីឡូក្រាម.មី ២កេស.ទឹកបរិសុទ្ធ ២កេស និងទឹកស៊ីអ៊ីវ ២យួរ ៕
ដោយ ហុក វិបុល
