បាត់ដំបង៖ នៅព្រឹកថ្ងៃទី ២៨ ខែ ឧសភា ឆ្នាំ ២០១៩ នេះឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង បានដឹកនាំការប្រជុំត្រួតពិនិត្យលទ្ឋផលការងារប្រចាំខែ ឧសភា ឆ្នាំ២០១៩និងលើកទិសដៅបន្តសម្រាប់អនុវត្តខែខាងមុខ។
អញ្ជើញចូលរួមក្នុងកិច្ចប្រជុំមានលោក លោកស្រី ស្នងការរង អនុប្រធានផែន នាយ នាយរងការិយាល័យជំនាញ មេបញ្ជាការវរសេ នាតូចនគរបាលការពារព្រំដែនគោក អធិការ អធិ ការរងនគរបាលក្រុង ស្រុក និងកងកម្លាំងពាក់ព័ន្ឋចំណុះស្នងការដ្ឋាននគរបាលខេត្តបាត់ដំបង។
ឯកឧត្តម ឧត្តមសេនីយ៍ទោ អ៊ុច សុខុន បានថ្លែងកោតសរសើរចំពោះកិច្ចខិតខំប្រឹងប្រែងយកអស់កម្លាំងកាយ កម្លាំងចិត្តរបស់កងកម្លាំងនគរបាលទូទាំងខេត្តក្នុងកិច្ចការពាររក្សាសន្តិសុខ សណ្តាប់ធ្នាប់សង្គមក្នុងឱកាសយុទ្ឋនាការឃោសនានិងការបោះឆ្នោតជ្រើសរើសក្រុមប្រឹក្សារាជធានី ខេត្ត ខ័ណ្ឌ ស្រុក ដែលប្រព្រឹត្តិទៅក្នុងខែ ឧសភា ឆ្នាំ២០១៩ ។
ជាមួយនឹងលទ្ឋផលការងារដែលសម្រេចបាននេះ ឯកឧត្តមស្នងការបានណែនាំផ្តាំផ្ញើដល់កងកម្លាំងនគរបាលទាំងអស់ត្រូវបន្តខិតខំបំពេញភារកិច្ចរបស់ខ្លួនជាបន្តទៀតស្របតាមផែនការដែលថ្នាក់ដឹកនាំបានប្រគល់ជូន។
ក្នុងឱកាសនៃកិច្ចប្រជុំនេះឯកឧត្តម ឧត្តមសេនីយទោស្នងការបានប្រកាសតែងតាំងភារកិច្ចលោកវរសេនីយ៍ត្រី សារ៉េត វិសេដ្ឋ អធិការស្តីទីនៃអធិការដ្ឋាននគរបាលស្រុកភ្នំព្រឹក ជាអធិការនៃអធិការដ្ឋាននគរបាលស្រុកភ្នំព្រឹក និងបំពាក់ឋានន្តរសក្តិថ្នាក់វរសេនីយ៍ទោ ជូនលោកផងដែរ៕
