ខេត្តឧត្ដរមានជ័យ៖ លោកវរ:សេនីយ៍ឯក សូ ចាន់ណារី មេបញ្ជាការនគរបាលវរ:ការពារព្រំដែនគោក៩១១ កំពុងតែល្បីថា៖ កន្ទេលធំបន្លំដេក ដែលល្បីត៏ៗគ្នារាប់ឆ្នាំមកហើយរឿងយករថយន្ដរដ្ឋ កងវិស្វកម្ម របស់សម្ដេចតេជោ ហ៊ុន សែន ដឹកអាចម៍ដីយកទៅលក់ពេញក្រុងប៉ោយប៉ែត ខេត្តបន្ទាយមានជ័យ យ៉ាងអនាធិបតេយ្យ។ ក្រោយពីមានការបែកធ្លាយរឿងចេញផ្សាយព័ត៌មាន ពីរឿងអាស្រូវលោក សូ ចាន់រី យករថយន្ដរដ្ឋ កងវិស្វកម្ម របស់សម្ដេចតេជោ ហ៊ុន សែន ធ្វើអាជីវកម្មដឹកអាចម៍ដីលក់យ៉ាងអនាធិបតេយ្យ ពេញក្រុងប៉ោយប៉ែត កាលពីកន្លងទៅថ្មីនេះ និងរៀងរាល់ថ្ងៃនេះផងដែរ។
លោកវរ:សេនីយ៍ឯក សូ ចាន់ណារី បានបដិសេធន៍ លើបណ្ដាញសារព័ត៌មាន បានបញ្ជាក់ថា៖ ព័ត៌មានបំផ្លឹសការពិត បង្ខូចកិត្តិយសទៅលើថ្នាក់ដឹកនាំម្នាក់ និងរូបលោកថា៖ បានប្រើរថយន្ដរដ្ឋ កងវិស្វកម្ម សម្ដេចតេជោ ហ៊ុន សែន ដឹកអាចម៍ដីធ្វើអាជីវកម្មតាមតែអំពើចិត្ត។
នៅក្នុងខ្លឹមសារបដិសេធន៍ លោក សូ ចាន់ណារី បានបញ្ជាក់ថា៖ លោកមិនពាក់ពន្ធ័ទេ ជាមួយកងវិស្វកម្ម ស៊ុន សែន សៀមរាប ហើយរថយន្តទាំងនោះដឹកដីចាក់តាមបរិវេណសាលារៀន នៅតាមបន្ទាត់ព្រំដែន ហើយអាចម៍ដីដែលយកទៅចាក់ខុសគោលដៅនោះថា៖ តៃកុងរថយន្ដចាក់លក់មួយឡានទៅពីឡាន គ្រាន់យកលុយផឹកការហ្វេ តែប៉ុណ្ណោះ ហើយរណ្ដៅដីកាយអាចម៍ដីលក់រាប់ឆ្នាំលោកថា៖ កាយស្រះយកទឹកអោយពលរដ្ឋប្រើប្រាស់ និងបង្ហូតទឹកចូលនៅរដូវវស្សានេះ។
តាមការបកស្រាយរបស់លោក សូ ចាន់ណារីពិតជាត្រឹមត្រូវទាំងអស់ ព្រោះការចាក់អាចម៍ដីនៅតាមបរិវេណសាលារៀនពិតជាមានមែន។
ទន្ទឹមនិងនេះក៏មានការល្បីរន្ទឺរាប់ឆ្នាំមកហើយក្នុងការដឹកអាចម៍ដីលក់ពេញក្រុងប៉ោយប៉ែត។ ប្រភពបានបញ្ជាក់ថា៖ លោកវរ:សេនីយ៍ឯក សូ ចាន់ណារី ជាមេបញ្ជាការនគរបាលវរ:ការពារព្រំដែនគោកលេខ៩១១ ផង និងជាជំនួយរបស់នាយផ្ទាល់នាយឧត្ដមនីយ៍ ខេង សុមេធ ផង ទើបលោក សូ ចាន់ណារី ហ៊ាន ប្រើល្បិចកន្ទេលធំបន្លំដេក រឺនិយាយបានថាធ្វើនំ អត់ម្សៅ យករថយន្ដសម្បិត្តរដ្ឋធ្វើអាជីវកម្មតាមអំពើចិត្ត។
ជាក់ស្ដែងនៅថ្ងៃទី២៤ ខែឧសភា ឆ្នាំ២០១៩ នេះ គេនៅតែសង្កេតឃើញគ្រឿងចក្រ កងវិស្វកម្មរបស់សម្ដេចតេជោ ហ៊ុន សែន ដឹកអាចម៍ដី ចាក់នៅសំណង់ឯកជនរបស់អ្នកមានអំណាចមួយកន្លែងស្ថិតនៅខាងជើងផ្លូវជាតិលេខ៥ ចំណុចភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
សកម្មភាពខាងលើនេះ ត្រូវបានមហាជនសង្ស័យថា៖ អ្នកគ្រប់គ្រងគ្រឿងចក្រ វិស្វកម្មរបស់សម្ដេចតេជោ ហ៊ុន សែន កំពុងឃុបឃិតគ្នាជាមួយនិងលោក សូ ចាន់ណារី ដែលយករថយន្តនិងគ្រឿងចក្រ វិស្វកម្ម ប្រើប្រាស់ធ្វើអាជីវកម្មរបស់ខ្លួន៕
