ភ្នំពេញ៖ថ្មីៗនេះ លោក ហ៊ុន សុខា ប្រធានក្លិបអ្នកកាសែតកម្ពុជាឯករាជ្យ និងជានាយកការផ្សាយ PNTV Onlie Cambodia ត្រូវ បានឈ្មោះ ម៉ន ស៊ីណា និងឈ្មោះ កែវ ឡេង ដែលអះអាងថា ជាតំណាងប្រជាពលរដ្ឋ១៤៩គ្រួសារ នៅស្រុកស្ទឹងហាវ បាន ដាក់ពាក្យបណ្តឹងកាលពីថ្ងៃទី២២ ខែមេសា ឆ្នាំ២០១៩ ប្តឹងចោទប្រកាន់អ្នកសារព័ត៌មានចំនួន ៣បទល្មើស ថា ញុះញង់ និងបានធ្វើការផ្សព្វផ្សាយនៅលើ Facebook អំពីរឿងដីធ្លីនៅតំបន់នេះ ដែលពលរដ្ឋចាត់ទុកថាជាការបំភ្លៃខុសពីការពិត ក្រោយពីបានផ្សាយរឿងដីធ្លី ទៅកាន់សាលាដំបូងខេត្តព្រះសីហនុ ។
ក្រុមអ្នកសារព័ត៌មានដែលរងការ ប្តឹងពីប្រជាពលរដ្ឋនេះ រួមមាន ឈ្មោះ ហ៊ុន សុខា (Hun Sokha) ឈ្មោះ ខៀវ ប៉ូឡូ ឈ្មោះ ណុប សុខុម ឈ្មោះសំ ស៊ីថា ឈ្មោះ ខេង សុខុម ឈ្មោះ រេច សុខា ឈ្មោះ រេច សុខន ឈ្មោះ ឯក រដ្ឋា និងបក្ខពួកមួយចំនួនទៀត ។ នេះបើយោងតាមតាមពាក្យបណ្តឹងរបស់ប្រជាពលរដ្ឋ ដែលអង្គភាពយើងខ្ញុំ ទើបទទួលបាន ។
ក្រុម ប្រជាពលរដ្ឋ បានប្តឹងចោទប្រកាន់អ្នកសារព័ត៌មាននោះចំនួន៣បទល្មើសរួមមាន បទៈ សមគំនិតមាត្រា២៩. បទញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបទញុះញង់ឲ្យមាន ការរើសអើង ដែលប្រព្រឹត្តនៅក្រម៥ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ ចំណុចវត្តអូរដំរី កាលពីថ្ងៃ ទី២៩ ខែមីនា ឆ្នាំ២០១៩ និងថ្ងៃទី១៩ ខែមេសា ឆ្នាំ២០១៩ ។
ទាក់ទិននឹងករណី នៃការប្តឹងផ្តល់របស់ប្រជាពលរដ្ឋ ទៅតុលាការនៅខេត្តព្រះសីហនុខាងលើនេះ លោក ហ៊ុន សុខា ប្រធានក្លិបអ្នកកាសែតកម្ពុជាឯករាជ្យ និងជានាយកការផ្សាយ PNTV Onlie Cambodia បានបង្ហាញសេចក្តីរីករាយក្រៃ លែងចំពោះលោក ម៉ន ស៊ីណា ប្រធានសហគមន៍ប្រជាពល រដ្ឋ ដែលបានចេញមុខដាក់ពាក្យបណ្តឹងប្តឹងរូបលោក និងក្រុម អ្នកសារព័ត៌មានប្រមាណជាង១០អង្គភាពទៅតុលាការខេត្ត ព្រះសីហនុនេះ ។ លោក ហ៊ុន សុខា បានសើចសប្បាយចិត្ត រីករាយណាស់ ហើយបានថ្លែងថា បើធ្វើជាអ្នកកាសែតមិន មានគេប្តឹង ទើបជារឿងចម្លែក ។
ព្រោះក្រុមអ្នកសារព័ត៌មាន ប្រមាណ១០អង្គភាពចុះបេសកកម្មទៅយកព័ត៌មានអំពី ករណីវិវាទដីធ្លីនៅខេត្តព្រះសីហនុនោះ គឺតាមការស្នើសុំ របស់ បងប្អូនប្រជាពលរដ្ឋដែលរងគ្រោះបាត់បង់ដីធ្លីដោយសារពួក អ្នកមានអំណាច និងអ្នកមានលុយរំលោភបំពានយកដីធ្លីពួក គាត់ ។ ដូច្នេះក្នុងនាមលោកជាប្រធានក្លឹបអ្នកកាសែតកម្ពុជា ឯករាជ្យ លោកត្រូវតែដឹកនាំអ្នកកាសែតចុះទៅយកព័ត៌មាន ដល់ទីកន្លែងកើតហេតុ ជាក់ស្តែង ហើយធ្វើការផ្សព្វផ្សាយ អោយមហាជន ជាពិសេសប្រមុខរាជរដ្ឋាភិបាល កម្ពុជា គឺសម្តេចតេជោ ហ៊ុន សែន បានដឹងដើម្បីលោកមានដំណោះ ស្រាយជូនពួកគាត់ ។
លោក ហ៊ុន សុខា បញ្ជាក់ថា លោក មិនព្រឺក្បាលទេចំពោះបណ្តឹងរបស់លោក ម៉ន ស៊ីណា ដែលមានអាខោន Facebook ចន សីណា នោះទេ ។ លោក ហ៊ុន សុខា បញ្ជាក់ថា បើលេងៗអោយដល់ទីបញ្ចប់ កុំរត់ចោល កណ្តាលទី ហ៊ានស៊ី ហ៊ានសង ។ ចាំមើលៗតើ តុលាការ ចាត់ការករណីនេះ ដើម្បីរកយុត្តិធម៌អោយភាគីពាក់ព័ន្ធ អាចទទួលយកបានដែរ ឬ អត់ ? ។
សូមបញ្ជាក់ថា លោក ហ៊ុន សុខា ប្រធានក្លឹបអ្មកកាសែតកម្ពុជាឯករាជ្យ នាពេលកន្លង មកនេះគេតែងតែសង្កេតឃើញថា៖លោកដឹកនាំក្រុមការងាររបស់ លោកចុះយកព័ត៌មានសឹងគ្រប់ខេត្ត ក្រុង អោយតែមានប្រជា ពលរដ្ឋរងគ្រោះដោយភាពអយុត្តិធម៌ គឺមានវត្តមានលោកទៅ ដល់ទីនោះ នឹងធ្វើការផ្សាយឡាយព័ត៌មានភ្លាមៗផ្ទាល់ផង ដែរ លើសពីនេះទៀត លោក ហ៊ុន សុខា ក៏បានចែករំលែក នូវ សណ្តានចិត្តមនុស្សធម៌ ដល់អ្នកក្រីក្រ ខ្វះខាតក្នុងជីវភាពរស់ នៅជាច្រើននាក់ផងដែរ ។
ខាងក្រោមនេះជាពាក្យបណ្តឹងរបស់ប្រជាពលរដ្ឋ៖
