ភ្នំពេញ៖ សម្តេចតេជោ ហ៊ុន សែន ប្រមុខរដ្ឋស្តីទី និងជាប្រធានព្រឹទ្ធសភាកម្ពុជា បានផ្ញើសារលិខិតជូន លោកស្រី Valentina Matvienko ប្រធានក្រុមប្រឹក្សាសហព័ន្ធ (ព្រឹទ្ធសភា) នៃសភាសហព័ន្ធ នៃសហព័ន្ធរុស្ស៉ី ដើម្បីអបអរចំពោះ ទិវាបុណ្យជាតិរុស្ស៉ី។
តាមរយៈសារសារលិខិតសម្តេចតេជោ ហ៊ុន សែន បានលើកឡើងដូច្នេះថា៖
«ក្នុងឱកាសដ៏មាននក្ខត្តឫក្សនៃទិវាបុណ្យជាតិរុស្ស៉ី ក្នុងនាមព្រឹទ្ធសភា នៃព្រះរាជាណាចក្រកម្ពុជា និង ក្នុងនាមរូបខ្ញុំផ្ទាល់ ខ្ញុំសូមសម្តែងនូវការអបអរសាទរយ៉ាងកក់ក្តៅបំផុតចំពោះ លោកជំទាវ ក្រុមប្រឹក្សា សហព័ន្ធ នៃសភាសហព័ន្ធ និងប្រជាជននៃសហព័ន្ធរុស្ស៉ីជាទីរាប់អាន។
ខ្ញុំមានសេចក្តីសោមនស្សរីករាយយ៉ាងខ្លាំងដោយបានកត់សម្គាល់ថា ទំនាក់ទំនងដ៏យូរអង្វែងរវាង ប្រទេសយើងទាំងពីរ ដែលបានបង្កើតឡើងផ្អែកលើមូលដ្ឋាននៃសាមគ្គីភាព ការជឿទុកចិត្តគ្នាការយោគយល់ គ្នាទៅវិញទៅមក និងកិច្ចសហប្រតិបត្តិការឈ្នះ-ឈ្នះ នៅតែបន្តរីកចម្រើន និងបានផ្តល់ប្រយោជន៍ជាក់ស្តែង យ៉ាងច្រើនដល់ប្រជាជនយើងទាំងពីរ។ ខ្ញុំមានទំនុកចិត្តយ៉ាងខ្លាំងលើការប្តេជ្ញារួមគ្នាក្នុងការជំរុញទំនាក់ ទំនងទ្វេភាគីរបស់យើង លើកិច្ចសហប្រតិបត្តិការគ្រប់វិស័យដែលពោរពេញដោយសក្តានុពល ដើម្បីជា ឧត្តមប្រយោជន៍របស់ប្រទេសយើងទាំងពីរ។
ខ្ញុំទន្ទឹងរង់ចាំធ្វើការយ៉ាងជិតស្និទ្ធជាមួយ លោកជំទាវ ដើម្បីធ្វើឱ្យស៊ីជម្រៅនូវកិច្ចសហប្រតិបត្តិការ សភាយើងថែមទៀត ដើម្បីសន្តិភាពយូរអង្វែង និងការអភិវឌ្ឍប្រកបដោយចីរភាព។
ជាថ្មីម្តងទៀត សូម លោកជំទាវ ទទួលការស្រឡាញ់រាប់អានដ៏ជ្រាលជ្រៅបំផុតពីខ្ញុំ និងសូមជូនពរ លោកជំទាវ ទទួលនូវសុខភាពល្អ សុភមង្គល និងទទួលបានជោគជ័យត្រចះត្រចង់ក្នុងភារកិច្ចដ៏ឧត្តុង្គឧត្តម របស់ លោកជំទាវ និងសូមជូនពរប្រជាជននៃសហព័ន្ធរុស្ស៉ីទទួលបានសុខុមាលភាព និងវិបុលភាព»៕
