ពោធិ៍សាត់ ៖ ឯកឧត្តម ខូយ រីដា អភិបាលខេត្តពោធិ៍សាត់ នៅថ្ងៃទី២៥ ខែមេសា ឆ្នាំ២០២៦ បានអញ្ជើញចុះជួបសំណេះសំណាលជាមួយ សិស្សានុសិស្ស លោកគ្រូ អ្នកគ្រូ និងបន្តជួយជ្រោមជ្រែង សាលាបឋមសិក្សា សម្តេចឪ សម្តេចម៉ែ ដែលស្ថិតនៅស្រុកបាកាន ខេត្តពោធិ៍សាត់។
ឯកឧត្តម បានកោតសរសើរ អ្នកគ្រូនាយិកា និងអ្នកគ្រូលោកគ្រូ នូវការចូលរួមថែរក្សាបរិស្ថាន អនាម័យសាលាបានល្អ និងកំពុងកែប្រែសោភ័ណភាពជាបណ្តើរៗ និងសង្ឃឹមថាទៅថ្ងៃអនាគត សាលានេះនឹងក្លាយជាសាលាស្តង់ដារគំរូ។
បន្ទាប់ពីជួបសំណេះសំណាលជាមួយ សិស្សានុសិស្ស លោកគ្រូ អ្នកគ្រូ សាលាបឋមសិក្សា សម្តេចឪ សម្តេចម៉ែ រួចមក ឯកឧត្តមអភិបាលខេត្ត បានឆ្លៀតឱកាស បន្តចុះជួបសំណេះសំណាល សាកសួរសុខទុក្ខបងប្អូនប្រជាពលរដ្ឋ និងអាជីករ ផ្សារត្រពាំងជង ស្ថិតនៅស្រុកបាកាន ខេត្តពោធិ៍សាត់៕
