រដ្ឋបាលខេត្តស្វាយរៀង មានកិត្តិយសសូមជម្រាបជូនដំណឹងដល់ ឯកឧត្តម លោកឧត្តមសេនីយ៍ លោក លោកស្រី ប្រធានមន្ទីរ អង្គភាពនានាជុំវិញខេត្ត និងអភិបាលក្រុង ស្រុកទាំង៨ ជ្រាបថា រដ្ឋបាល ខេត្តស្វាយរៀង សហការជាមួយសហព័ន្ធកីឡាទូកកានូ និងរ៉ូអ៊ុងកម្ពុជា នឹងរៀបចំពិធីប្រកួតកីឡា ទូក «ង» ទូកនាគ ទូកកានូ កាយ៉ាក់ និងទូករ៉ូអ៊ុង ជ្រើសរើសជើងឯកថ្នាក់ជាតិ «ពានរង្វាន់ ឯកឧត្តម អភិសន្តិបណ្ឌិត ស សុខា» លើកទី២ ប្រចាំឆ្នាំ២០២៥ រយៈពេល ០២ថ្ងៃ ចាប់ថ្ងៃទី០៧-០៨ ខែកុម្ភៈ ឆ្នាំ២០២៦ វេលាម៉ោង ៨ព្រឹកតទៅ នៅទន្លេវ៉ៃគោ ក្រុងស្វាយរៀង ដោយមានប្រតិភូទូក ចូលរួមប្រកួតមកពីបណ្តាក្រសួង រាជធានី ខេត្ត សរុបចំនួន ២៨សមាគមទូក ។
ក្នុងន័យនេះ រដ្ឋបាលខេត្ត សូមធ្វើការអំពាវនាវ និងលើកទឹកចិត្តដល់ ឯកឧត្តម លោកឧត្តម សេនីយ៍ លោក លោកស្រី ប្រធានមន្ទីរ អង្គភាពនានាជុំវិញខេត្ត និងអភិបាលក្រុង ស្រុកទាំង៨ ពិនិត្យលទ្ធភាព ចាត់តាំងប្រតិភូទូក «ង» ផ្នែកបុរស ចំណុះ ២២នាក់ ចូលរួមប្រកួតជាមួយប្រតិភូទូក មកពីបណ្តា រាជធានី ខេត្តផ្សេងទៀត ដើម្បីចូលរួមលើកស្ទួយវិស័យកីឡាជាតិ និងញ៉ាំងឱ្យពិធីប្រកួតកីឡាទូក«ង» ទូកនាគ ទូកកានូ កាយ៉ាក់ និងទូករ៉ូអ៊ុង ជ្រើសរើសជើងឯកថ្នាក់ជាតិ «ពានរង្វាន់ ឯកឧត្តមអភិសន្តិ បណ្ឌិត ស សុខា» លើកទី២ ប្រចាំឆ្នាំ២០២៥ នៅខេត្តស្វាយរៀង ដែលទទួលធ្វើជាម្ចាស់ផ្ទះ លើកនេះប្រព្រឹត្តទៅក្នុងបរិយាកាសសប្បាយរីករាយមានភាពអធិកអធម និងទទួលបានជោគជ័យ ។
ចាប់ទទួលចុះឈ្មោះចូលរួមប្រកួត ចាប់ពីថ្ងៃជូនដំណឹងនេះតទៅ រហូតដល់ថ្ងៃទី០៥ ខែកុម្ភៈ ឆ្នាំ២០២៦ វេលាម៉ោង ៥ល្ងាច ជាកាលកំណត់ ។
