ភ្នំពេញ៖ សម្ដេចព្រះមហាសុមេធាធិបតី កិត្តិបណ្ឌិត អំ លីមហេង សម្ដេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា នារសៀល ថ្ងៃសុក្រ ទី២ ខែមករា ឆ្នាំ២០២៦ ទ្រង់សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់ ក្នុងពិធីប្រគេនអំណោយមូលនិធិគណៈសង្ឃនាយក នៃព្រះរាជាណាចក្រកម្ពុជា ដល់ព្រះសង្ឃភៀសសឹក ដែលរងផលប៉ះពាល់ពីសង្រ្គាមឈ្លានពានពីកងទ័ពថៃ នៅតាមបណ្ដោយព្រំដែនសរុបមានចំនួន៦ខេត្ត។
ខេត្តទាំងនោះរួមមាន៖ បន្ទាយមានជ័យ ឧត្តរមានជ័យ ព្រះវិហារ បាត់ដំបង ពោធិ៍សាត់ និងខេត្តកោះកុង។ ចំពោះព្រះសង្ឃដែលត្រូវភៀសសឹក មានចំនួន ១ ៩១៦អង្គ និងព្រះសង្ឃដែលពុំបានភៀសចេញពីវត្ត ចំនួន ៥៦១អង្គ ព្រះសង្ឃទាំងពីរផ្នែកសរុបចំនួន ២ ៤៧៧ អង្គ)៕
