(បន្ទាយមានជ័យ):នៅព្រឹកថ្ងៃអាទិត្យ ៩រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៤ ខែធ្នូ ឆ្នាំ២០២៥ លោក ស៊ុន ចន្ថា និងលោក យ៉ាន មន្នីរៈ បានឧបត្ថម កាលស្យូមចំនួន ១៤កេសធំ និងគ្រឿងប្រើប្រាស់ផ្សេងៗ ដល់កម្លាំងនគរបាលនៃស្នងការដ្ឋាននគរបាលខេត្តបន្ទាយមានជ័យ និងបន្តប្រគល់ជូនដល់កម្លាំងជួរមុខទិសខេត្តបន្ទាយមានជ័យ។
លោកឧត្តមសេនីយ៍ត្រី ចាប សុផាប្ញទ្ធិ ស្នងការរងផែនការងារប្រឆាំងបទល្មើសសេដ្ឋកិច្ច តំណាង លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានថ្លែងអំណរគុណយ៉ាងជ្រាលជ្រៅ ចំពោះលោក ស៊ុន ចន្ថា និងលោក យ៉ាន មន្នីរៈ ដែលបាន ផ្តល់កាលស្យូមចំនួន ១៤កេសធំ និងគ្រឿងប្រើប្រាស់ផ្សេងៗ ដល់ស្នងការដ្ឋាន សម្រាប់ជូនដល់កងកម្លាំងនគរបាលជួរមុខ ក្នុងកិច្ចការការពារបូរណៈភាពទឹកដី ។
លោកឧត្តមសេនីយ៍ត្រី ចាប សុផាប្ញទ្ធិ ក៏បានថ្លែងអំណរគុណ និង ជូនពរដល់ លោក ស៊ុន ចន្ថា និងលោក យ៉ាន មន្នីរៈ និងក្រុមគ្រួសារ រកសុីទទួលទានមានបាន និង ជួបតែសេចក្ដីសុខ គ្រប់ប្រការ សុខភាពមាំមួន និងជួបប្រទ:តែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕
